Før inne-UM (II)

Jaja, litt orden må det vera - så me får i alle fall begynna denne andre bolken med å få Kristoffer Blücher (G15) i mål med sine to siste - av fem - øvingar til inne-UM:

Kva som kjem til å bli Kristoffer si aller sterkaste øving etter kvart, det er vanskeleg å vera sikker på. Kanskje blir det 400 meter? Han er solid på 200 meter, men du verda så god han også kan vera på 800 meter. På den distansen er det 14 påmelde i G15 neste helg - og Kristoffer er favoritt, med Kristian Skage Nordlund (Trones) og Erik Houm (Gausdal) nærmast.

Så, til sist (i alle fall i denne gjennomgangen), er det lengde på programmet for Kristoffer. Dette er endå ei medaljeøving for han, slik at han er favoritt eller medaljekandidat i alle dei fem øvingane han er påmeldt i. Han er rangert som nr. 2 i lengde, mellom dei totalt 24 påmelde. Frederik Øvereng (Overhalla) og Alexander Eric Burlin (Ski) er andre sterke lengdenamn i klassen.

Vegard Albrigtsen skal springa 800 meter komande lørdag i G16. Der er han rangert heilt midt på - som nr. 9 - av dei 18 på startlista. Klar favoritt er også her Thomas Jefferson Byrkjeland (Tjalve).

Så til Sondre Rinde (G16) sine UM-øvingar. Han ligg éi etter Kristoffer Blücher og er såleis påmeldt i fire øvingar:

På 200 meter finst det 33 namn på startlista og Sondre er rangert som nr. 10. Bjørnar Lie (Orion), Daniel Nikolai Pedersen (Skjalg) og Mathias Hove Johansen (også Skjalg) er mellom mange solide namn i sprint i klassen.

Same Bjørnar Lie er også favoritt mellom dei 39 på 60 meter i klassen. Her plussar me på med Johannes Enli Kalleberg (BUL) og Andreas Mowinckel-Nilsen (Os Turn) på medaljekandidat-oversikten. Sondre er her rangert som nr. 7.

Så bevegar me oss over til øvingane der Sondre har størst medaljesjansar: På 60 meter hekk må han vera favoritt mellom dei 6 påmelde. Men når det er få påmelde, så er det også gjerne kvalitet gjennom heile feltet - og det er også tilfellet her. Så godt som alle er medaljekandidatar, men Vetle Sørstrand Haugen (Florø), Åsmund Fornes Sand (Verdal) og Toralv Opsal (Ålesund) verkar sterkast imot.

I lengde er det så mange som 18 påmelde - og også her er Sondre medaljeaspirant, men her er det tett og ein må ha dag og marginar og slikt. Toralv Opsal, Christopher Lawther (Fana) og Sindre Olsvik (Lista) er mellom dei sterkaste konkurrentane.

Så avsluttar me G16-gjennomgangen med å ta for oss Eirik Leikvoll sine sjansar i høgde og stav:

Flest konkurrentar har Eirik i høgde. Her er det 9 solide høgdenamn i G16. I alle fall fire (og kanskje vel så det) kjempar om meisterskapet: Inge Eide Johansen (Fana), Storm Håkon Koksvik (Grue), Toralv Opsal (Ålesund) og Eirik Leikvoll frå Gneist. Eirik har vist seg som sterk i meisterskapssamanheng før og hentar truleg ein ny medalje i høgde. Det gjer han definitivt i stav, sidan det her er tre påmelde: Sannsynlegvis snakkar me om sølv her: Audun Bakke Jensen (Koll) er i utgangspunktet i ein klasse for seg, medan Jan Robert Nijmeijer (Urædd) normalt er eit lite hakk bak Eirik (men i stavsamanheng er ikkje dette hakket noko stort).

Heilt til sist i denne bolken: Formsterke Stian Øvergaard Aarvik sine løp i G17. Stian har levert sterkt både på gate og bane innomhus så langt i vinter. Nyss heimkomen frå treningsleir på Lanzarote er han no klar til å testa formen skikkeleg i hallen til Tyrving.

På 800 meter er det 22 påmelde utøvarar og her hamnar, uansett seeding, Stian i eit godt og spennande heat - som 10. rangert på førehand. Her er ei rekkje løparar som vil kjempa om gullet, ein stad under 2 blank, men det er vanskeleg å koma utanom Abdurrahman Hir (Selsbakk) og Markus Einan (Ullensaker/Kisa) som to av dei sterkaste.

På 1500 meter, derimot, vil Stian normalt kjempa om UM-medalje. Her er det 17 påmelde - og det er sterke utøvarar imot: Eivind Trym Wikshåland (Bækkelaget), Joakim Sødal (Kyrksæterøra), Abdurrahman Hir og Andreas Wathne (Skjalg). Eg tippar medalje til Stian, men vil ikkje våga meg på valør.

Den største favoritten på begge G17-distansane der Stian er med, er likevel utvilsamt norsk-svenske Andreas Kramer (Sävedalen/SK Vidar), som har 3:54 på 1500 meter og 1:53 på 800 meter.