Konsolidering

I full fart kjem her eit oppsummerande førehands-innlegg før inne-UM:

Fjorårets inne-UM i Steinkjer blei ein stor suksess for Gneist - og bar bod om endå sterkare markering under ute-UM på Lillehammer, der Gneist blei aller beste klubb.

Men det begynte med 4. plass på medaljeoversikten under inne-UM, bak Dimna, Tyrving og BUL.

Fangsten i fjor blei på 5 gull, 11 sølv og 5 bronse.

Det blei altså 21 medaljar. I god Olympiatopp-ande skal me snakka om talet på medaljar i målsetnad her - det kan jo bikka både opp og ned og inn og ut mellom dei ulike valørane slik i praksis.

I tillegg til dei utøvarane som er presentert i dei fem føregåande innlegga, så stiller Gneist/BFG med tre stafettlag på 4 x 200 meter:

* BFG i G15-17 og i J18-22

* Gneist i J15-17

Her er det svært vanskeleg å spå godt, men eg forventar at dei tre laga vil vera høgt oppe i sine respektive klassar.

Førehandstipset for medaljar til GNEIST er dermed på 23 medaljar, altså to meir enn i Steinkjer.

Det kjem til å bli eit godt Gneist-år dette også.

Og tar me BFG-brillene på, så kan me plussa på ytterlegare tre medaljar, slik at me snakkar om 26 inkludert desse.

Så får me nett sjå.

God reise - og lykke til!