Gutane på 16 år i Gneist har hatt ein fredeleg innesesong. Me ventar på litt meir friidrettssatsing frå Anders Bjørndal og osingen Eirik Karstad har vore uheldig med sjukdom i vinter, men skal vera på gang igjen no.
Andreas Iden - eller Englandsfararen - har fått notert seg éi tid på innestatistikken. Det har jo elles vore ein del terrengløp og solid trening for Andreas, som no - i sommarvarme England - er meir enn klar for banesesongen. Hans 4:13,74 på 1500 meter held til ein 3. plass på norgesstatistikken denne vinteren.
Tradisjonen tru er det inne-UM som gir Ole Martin Røssland noteringar på statistikken. Hans 2:13,26 var 18. beste tida på 800 meter, medan 4:26,23 på 1500 meter er 6. best i aldersklassen inne i vinter.
Ingen kommentarer:
Legg inn en kommentar