Nye flotte lagbilete

Så blei det altså, nett som forventa (me er bortskjemde), nye flotte lagbilete etter kveldens Fri-stafett på Espeland. Gode døme av sorten finst alt lagt ut på Gneist sine friidrettssider.

Og denne gongen blei det full pott i dei fire klassane Gneist stilte lag. Me har ikkje fått heilt offisielle resultat med tidelar enno, men altså:

Jenter 11-14- laget vann (igjen) på 7:58, som ikkje er svært langt etter den gode rekordtida frå i fjor, på 7:51,6. Avstanden til nr. 2, Bergen Turn sitt 1. lag, var på om lag sju sekund.

Gutar 11-14- laget vann på uoffisielle 7:26. Det er viktig at den er uoffisiell fordi dette er særs tett opp til gjeldande løyperekord - som Gneist har også her frå fjoråret, på 7:25,6. Med til historia høyrer det at dette laget kunne ha henta endå meir på perfekte vekslingar... Avstanden til nr. 2, som var Osterøy, var på så mykje som 48 sekund...

Miks 11-14- laget fekk også seg endå ein siger, i år med tida 7:44. Også her har Gneist løyperekorden, på solide 7:23,9, frå 2009. Avstanden til nr. 2, Kalandseid, var på heile 34 sekund.

Miks 11-17- laget vann for første gong på ei god stund. Då lever me godt med at tida, 7:10, var noko bak Norna-Salhus sin løyperekord frå 2009, på 6:53,6. Her var også den stafetten med Gneist-representasjon der det var tettast i feltet. Bergen Turn sitt 1. lag blei nr. 2, tre skeund bak. Så følgde Fri sitt 1. lag, fem sekund bak Gneist og deretter Norna-Salhus sitt 1. lag, seks sekund bak vinnarlaget.

I tillegg var det mange flinke Gneist-utøvarar som sprang i rekruttklassen og det var Gneist-ungdommar som var godt representert på junior- og senior-lag i BFG-samanheng.

Og så regna det pittelitt...