Dette gjeld dei som soknar til utøvarar fødde i 1997 og 1998, altså 13- og 14- åringane. Då snakkar me rett og slett om ein god del utøvarar. Gjennom sesongen skal dei prøva kvalifisera seg til kretslaget til Hordaland til NCC-leikane på Osterøy først i september. Det er kretslagets største utfordring i år, men den første utfordringa kjem alt heilt i starten av juli, 2. - 3. juli i Byrkjelo i Nordfjord.
I Byrkjelo blir Sparebank-leikane arrangert den helga. I mange år har det i dette stemnet vore innlagt kretskamp mellom Sogn og Fjordane og Hordaland - og oftast også Møre og Romsdal. I 2010 blei kretskampen avlyst fordi banen i Byrkjelo var under arbeid. I 2011 er den på plass igjen. Og dette året er det stadfest at alle dei tre aktuelle kretslaga stiller.
Det er muleg at øvingsprogrammet som inngår i kretskampen blir noko justert, samanlikna med det som har vore tidlegare, så her er det berre å følgja med. Arrangementet er altså på eit tidspunkt der ein del har ferieplanar og ein del i alle fall har tenkt seg inn til Strandebarm for festivalen der, så her må ein vera open for justeringar, i alle fall for utøvarane i rette aldersgruppa. Gneist har ganske mange aktuelle kandidatar til årets kretslag.
I Byrkjelo vil ein ta årets arrangementet ekstra alvorleg: Det er arrangørane sin generalprøve før senior-NM på same banen i august.
Ingen kommentarer:
Legg inn en kommentar