No må me passa på - passa på at me ikkje tar for gitt at det går bra, ja kanonbra. Gneist dominerer i Fristafetten igjen. Denne gongen var det altså siger i alle fire klassar ein stilte opp i. I tre av klassane har Gneist vunne fleire år på rad.
Dette er ikkje noko sjølvsagt. Naturlegvis. Det er resultat av eit særs godt arbeid over lang tid.
Me må ikkje bli bortskjemde. Det betyr i alle fall to ting: Me må arbeida like godt vidare som me har gjort og me må setja pris på ein kvar framgang og ein kvar stor prestasjon!
Gneist har utøvarar som er flinke også i andre øvingar, for all del, men massemønstringa på Espeland viser at Gneist i høg grad er ein klubb av springarar.
Kven kan ein så venta seg store ting av i år? Svaret er enkelt: Av særs mange. Som den frie bloggaren eg er, vil eg gjerne trekka fram nokre enkeltutøvarar:
Ingrid Næss Johansen: nykomaren i J14 frå Fana har alt markert seg med 2. plass i KM i terrengløp sist helg. Anna Evensen (J11) hadde to glitrande sisteetappar i går (J11-14 og Miks 11-17). Så hadde to av laga søskenpar på same lag, Cathrine (J13) og Charlotte Harris (J11) på J11-14 og Anders (G16) og Espen Bjørndal (G11) på Miks 11-17. Det er kjekt å registrera at Herman Hovland (G12) var på plass på G11-14- laget - han har vist god løpskapasitet på langturar i vinter. Og, til sist, ganske ferske namn fann me på Miks 11-14- laget i G11-utøvarane Hans Jacob Stava og Vegard Liseth.
Det er noko som heiter "...dette var berre begynnelsen", men i kontinuitetens namn: Dette var berre framhaldet!
Ingen kommentarer:
Legg inn en kommentar