Dei er ikkje så mange, 17-åringane våre. Dei har heller ikkje mange markeringar i historikk-oversikten. Ein annan - og meir positiv - måte å seia det på er at dei har solid spisskompetanse, som ofte er naturleg når ein er mellom dei eldre ungdommane.
Marianne Benserud er einsleg svale mellom jentene i 17års-klassen. Hennar stavhopp på 3,31 er det 6. beste i årsklassen gjennom tidene.
Dei to gutane som markerer seg i same årsklasse har vel aldri sett sine bein i ei stavgrop. Deira spisskompetanse er springing og då dei lengste løpa:
På 5000 meter har Ole Martin Røssland og Andreas Iden smålåtne markeringar. Der er Ole Martin nr. 70 med sine 15:35,93 og Andreas nr. 93 med 15:43,71. Men på den doble distansen, 10000 meter, kjem spisskompetansen klarare til syne: Her plasserer Ole Martin seg som nr. 7 med sitt løp frå april i år på 33:06,61, og Andras er nr. 10 med sitt mil-løp (same morgonløpet siste søndagen i april som Ole Martin) på 33:24,10. (Tidene er også 3. og 5. best i Hordaland gjennom alle tider.)
... Og i 18års-klassen har me ikkje hatt nokon representant i 2012...
Ingen kommentarer:
Legg inn en kommentar