Bloggen kjem tilbake med meir oppdatering etter Vinterkarusellens 4. løp mandag kveld. Bloggen følgde mellom anna debutant på 10km Anna Serine Røssland heile vegen.
Men resultatservicen frå karusellen er slik at det no er tradisjon for at det er eit eller anna tull og tøys. Det får så vera, at ting må rettast opp i og at det kan ta tid før resultata er klare. Men ein kan jo ikkje lata som om resultata er klare når dei ikkje er det!
I kveld fortel BFG på sine nettsider at Mikal Iden vann 10km framfor Bjørn Tore Taranger. Eg såg med eigne auge - heilt utan briller - at Bjarte Eikanger og Alemayehu Sitotaw sprang framfor der ein stad. Og det finst ei rekkje andre som manglar på dei listene som ligg ute. Vinnaren på 5km, Ingrid Næss Johansen, er ei av desse.
Igjen: det kan ein irritera seg over og det er ikkje bra, men verre er det at ein kommenterer resultatlistene som ferdige (lenge) før dei faktisk er det.
Ingen kommentarer:
Legg inn en kommentar