Det går litt rundt nett no, etter ein vellykka blogg-treningsleir der sør. Eg har nett lagt bak meg ein liten maraton - i resultatlister frå fjern og nær. I den nye Ranheimshallen kan dei ikkje styra seg, der arrangerer dei stemne minst ein gong i veka. Dei får ein formidabel arrangementerfaring, men dei må også passa på å unngå å bli utbrende - før tida og før UM...
Eg har notert meg i alle fall fire klubbrekordar sidan sist. To av de er vel i eit slags grenseland, i den utradisjonelle og uoffisielle øvinga tresteg utan fart. Prestasjonane gir 0 poeng på Tyrvingtabellen og det finst ingen tradisjon for rekord-registrering, men det har neppe vore mange tresteghopp utan fart opp igjennom åra heller. Og når så prestasjonane kom på Gneist sitt eige stemne den 15. januar, så må ein vel ta dei på alvor? Eirik Leikvoll, som sikra seg tilsvarande rekord i 12-årsklassen i fjor, hoppa 5,67 i G13. Marianne Benserud hoppa 6,77 i J16 i same stemnet. Marianne har også heva eigen rekord i stav i J16, til 2,94 (persen er framleis frå 2010: 3,25).
Frå regionsmeisterskapens første dag merkar me oss i alle fall tre ting:
- Eit framifrå hekkeløp av Maren Haugen Lillefosse (J13), på solide 10,11. Det er godt betre enn gjeldande klubbrekord, Kristin Lilands 10,23 frå 2002 - og det gir 998 poeng på tyrvingtabellen.
- Solide hekkeløp også frå Emil Engelsen Holm og Håkon Helle (G14). Løpa plasserer dei på høvesvis 1. og 3. plass på norgesstatistikken så langt.
- Og det er framleis ikkje mange kastarar i Gneist... Me får håpa på at dei yngste stiller i større mengder når dei skal i gang med sitt regionsmeisterskap om litt. Det var mange innandørskast som heva poengsummane i lagserien i 2010. Til så lenge får me gleda oss over fin forbetring for Sondre Rinde (G13) med 3kilos-kula, til 8,45.
Ingen kommentarer:
Legg inn en kommentar