Veteranane: Trond Leikvoll regjerande meister

Godt nytt år!

Holkeføret ute fortel at dette definitivt ikkje er veteranane sin dag. Me får finna oss våre eigne dagar seinare i 2011.

Då er året 2010 fullstendig over og Veterankonkurransen 2010 er avslutta. Og den som dei andre i det nye året må jaga som regjerande meister er ingen ringare enn Trond Leikvoll. Den eminente økonomiansvarlege i friidrettsgruppa viser såleis veg og korleis ein tar denne konkurransen på alvor. Han hamna på outsiderplassen, 2. plassen, i 2009 og har arbeidd målmedvite fram mot topp-plassen i 2010. (Vinnaren i 2009, Arne Lillefosse, tok seg eit kvileår i 2010, men er forventa å koma knallhardt tilbake i det nye!)

Den offisielle konkurransen for 2011 er naturlegvis i gang og her blir det i første omgang knytt forventningar (eg let vera å bruka adjektivet "store" her, for ikkje å legga unødig press på dei aktuelle) til innandørs-stemna i Høiehallen og - ikkje minst! - hoppstemnet på Ytrebygda skole.

Her er endeleg liste for 2010 (plassering i 2009 i parentes):

1. Trond Leikvoll 1595 poeng (2)
2. Jostein Lie 1389 poeng (5)
3. Sigve Stenersen 1090 poeng (-)
4. Arve Tjønn Rinde 866 poeng (4)
5. Jens V. Opheim 841 poeng (-)
6. Geir Sjursen 732 poeng (3)
7. Lars Arve Røssland 630 poeng (10)
8. Peter Blücher 321 poeng (-)