lørdag 8. januar 2011

Lovande start for topp og breidde

Innandørsstemnet i Høiehallen fredag kveld hadde god deltaking - sjølv om nokre lada opp til hopp-KM, andre var stinne av trening og atter andre synest 60 meter er minst 540 meter for kort.

Resultata er ferske og her er mykje som framleis må gjennomanalyserast, naturlegvis, men det er eit par iaugnefallande trekk:

Eit par av dei velkjende toppane er tidleg i form: Renate Lie (J13) sprang og hoppa godt, det same gjorde i høgste grad Monika Benserud (J15). Det er definitivt verdt å merka seg når det blir prestert over 1000 poeng på Tyrvingtabellen i ny årsklasse, ein av dei første dagane i det nye året. 5,45 i lengde gir 1018 poeng, medan 7,97 på 60 meter gir heile 1048 poeng. Det er ikkje eit særleg vågalt tips å spå at tabellpoenga kjem til å enda høgare opp enn som så i løpet av 2011.

Men også breidda har lyspunkt denne fredagskvelden: Både 2000- og 2001- årgangen verkar å vera omfattande både for jenter og gutar. 2001-årgangen plukkar poeng for aller første året. Her er alt solide bidrag frå utøvarar som Miriam Haugland, Pål Haugen Lillefosse, Håvard Rinde og Hans Magnus Haukøy. Kjekt er det også å notera heilt nye namn, som Hans Jakob Stava, Vegard Liseth, Erlend Wiig Røssevold, Kristoffer Nyegaard, Jesper Gjelsvik og Madeleine Sande.

Ingen kommentarer:

Legg inn en kommentar