Alt i begynnelsen av januar er det mange som er kvalifiserte både til UM og til junior-NM. På jentesida har me også utøvarar som er kvalifiserte for senior-NM. Tidlegare har både Vilde Lund Bjørnsen (100m) og Marianne Benserud (stav) vore under senior-NM- kravet. Monika Benserud har dessutan vore under kravet i stav og tresteg.
Monika konkurrerer no i J15, men er ein etter måten fersk 14- åring. Som senior er ho med andre ord rimeleg ung. Fredag kveld hoppa ho 10 centimeter over kravet til senior-NM i lengde (5,45, kravet er 5,35). Imponerande start på den nye sesongen!
Det er mange legendariske klubbrekordar i Gneist. Gerd Lise Nybråt sin lengderekord i J15 er på 5,70 og tilbake frå det segnomsuste året 1985. Her er det altså duka for endå eit spenningsmoment i 2011-sesongen.
Monika stoppa ikkje der på fredagskvelden. 7,97 på 60-meteren er under gjeldande klubbrekord på distansen for J15, Benedikte Liland sin 8,17 frå 2002. Sidan klubbrekord-oversikten offisielt er ein utandørsstatistikk (med unnatak av hopp utan tilløp), så tar me med oss både Benedikte Liland og Monika sine tider i oversikten - inntil vidare.
Ingen kommentarer:
Legg inn en kommentar