Fleire presterte solide hopp under stille-KM i Laksevåghallen lørdag. På gutesida er det lett å legga merke til Håvard Opheim (G15) sitt høgdehopp på 1,34, som gir 915 poeng på Tyrvingtabellen.
Same høgda oppnådde Marianne Benserud (J16). Det er 4cm lågare enn den sterke prestasjonen frå innesesongen i fjor, men det er både 990 poeng på tabellen og sletting av den 38 år gamle klubbrekorden til Sissel Kartveit frå 1973 (1,26).
1985 var eit sterkt jenteår i Gneist. Då hoppa Kjersti Ristesund 2,52 i stille lengde. Lørdag hoppa Vilde Lund Bjørnsen (J15) nøyaktig like langt då ho blei kretsmeister.
Ingen kommentarer:
Legg inn en kommentar