Sjøkrig og landkrig

Vel heimkomen frå siste års fredsprisvinnar, EU, registrerer eg ein aldri så liten krig mellom BFG og Gular i etterkant av årets Sjøkrigsskolestafetten.

BFG Bergen dominerte ganske enkelt denne stafetten når Gular ikkje valte å stilla lag. Dette er blitt kritisert av Tom Roger i hans Kondis-artikkel.

Heilt nedst - under bileta - ser ein så Gular sin kommentar. Her er det full skyttargravskrig. Og så uviktig kan ikkje dette vera for Gular, når svaret er såpass klart.

Kommentarar har også gampane på Los Gampos, der dei spør seg: Hvor mange klubber var det i Bergen sa du?

Og så blir det å samanlikna epler og poteter, dette - enno. Gular seier dei er best, BFG seier dei er yngst og best. Hos BFG er kjerna at det kjem opp ein svært sterk ungdomsgenerasjon - stort sett med base i Gneist - som kan gi Gular kamp om ikkje veldig lenge.

Dette kan naturlegvis ikkje Gular avfeia.

Men BFG har hatt tilsvarande generasjonar tidlegare - som har forvitra; flinke ungdommar har gitt seg eller skifta klubb (mellom anna til Gular).

Jobb nr. 1 for BFG er å halda på den sterke ungdomsgenerasjonen, utvikla den og få den til å bli verande som seniorar. Då vil i så fall Gular-hegemoniet definitivt stå for fall.

Men det er ein stor jobb å gjera: Ressursar må spissast, utøvarar må oppfølgjast på så godt vis som muleg. BFG har teke mål seg av å bli ein leiande baneklubb i 2018. Utøvarane finst. Det er viktig at rammene blir så sterke som muleg.

*

Ok. Tilbake til Sjøkrigsskolestafetten. Etter besøket frå Gular i 2012, så er det BFG som har dominert sidan stafettens come back i 2011:

Sjøkrigsskolestafetten

	2011	2012	2013
KS	1	2	1
K			1
MS	1	2	1
MJ	1	2	1