Det har vore vårens første hendingsrike friidrettsdag. Det var god taiming med omsyn til veret: Søndag er det meldt om full haust igjen, etter smak av i alle fall vår - og i sola også sommar - i dag, lørdag.
Under Bergen City Marathon var det fleire gode løp frå våre ungdommar. Stafettlaget til Team Drevelin på halvmaraton-Sprekstafetten - der kvar løpar sprang om lag 2 km - hadde både Henrik Irgens Gravdal, Stian Øvergaard Aarvik og Ole Martin Røssland på laget. Laget vann like så godt heile stafetten.
Mellom mykje anna gjævt merkar me oss også at vår fotballspelande springar, Ingrid Helene Nyhus, tok ein flott 2. plass på den dryge fem-kilometeren under arrangementet i sentrum.
Sjølvaste Sentrumsløpet i Oslo hadde som tradisjonen tilseier besøk av Linn Seliussen. Linn vann like så godt klassen sin på 10km, med den flotte tida 41,02. Glitrande!
På Skansemyren var Henrik Almenningen og sikra seg sin aller første Gneist-klubbrekord - og også utesesongens første klubbrekord - då han kasta 700 gram-spydet 43,14m langt (745 tyrvingpoeng). Fin start for Henrik!
Og til sist: Frå den bortreiste son, i alle fall nabo, Anders Bjørndal, blir det meldt om svært god innleiing på den korte track & field-sesongen i Minnesota. Svært solid mile-løp først og deretter, med mile-løpet i beina, blei det 2:07 på 800 meter. Anders kjem tilbake til gamlelandet og gamleklubben ein dag før Framo startar...
Ingen kommentarer:
Legg inn en kommentar