Klar for KM i snøløp

I eit par konkurransar for ungar finst det noko kuriøst som ein kallar snøballkasting. Spesielt kuriøst er det jo når ein har snøballkasting på sommaren, til dømes på Bislett.

Meir relevant er det med Jan Fjærestad og kompani sine springeturar i snø gjennom heile vinteren og halve våren. Eg registrerer at dei innimellom - i praktfulle vinterlandskap - får spørsmål om kvifor dei ikkje heller går på ski. (Petter Northug får sjeldan spørsmål om kvifor han ikkje spring i staden.)

No ja, alt dette berre fordi vermeldarane fortel om inntil ti - 10! - centimeter nysnø når KM i terrengløp skal gå av stabelen på Skansemyren lørdag. Sjå til dømes dette BT-oppslaget.

Men, men, KM blir de no uansett:

J12
Her er det fem deltakar, der Sara Tyssebotn Berg er Gneist-representanten. Distanse: 600 meter.

J13
Her er det sikker Gneist-medalje, med berre to deltakarar på startstrek og Silje Stenersen som klar favoritt av dei to. Distanse: 800 meter.

J14
Seks jenter stiller i denne klassen. Også her er Gneist reprsentert, med Nora Øvergaard Aarvik. Medalje skal det godt gjerast - her er i alle fall tre svært sterke jenter på startstrek, i Ingvild Myking (Bjarg), Esther Zijerveld (Laksevåg) og Kari Kuvaas Herting (Bergens Turn). Distanse: 800 meter.

J15
Her det også berre to jenter påmeldt. Til gjengjeld er begge frå Gneist: Renate Lie og Linn Seliussen, der førstnemnde er favoritten. Distansen er 1000 meter.

J16
Også i denne klassen dominerer Gneist, her er alle fem frå dei blåkledde. Då er det med andre ord godt håp om tredobbelt. Ingrid Næss Johansen er favoritt, Eline Myking nest-favoritt, medan Elina Drivenes, Thyra Hevrøy og Anna Serine Røssland er med og kjempar. Også her er distansen 1000 meter.

G12
Her bør André Seliussen vera sikra medalje: tre gutar stiller til start i klassen. Distansen er 600 meter.

G15
Henrik Irgens Gravdal er stor KM-favoritt i denne klassen, som også har smålåtne fire namn på startlista. Distanse: 1000 meter.

G16
Til gjengjeld stiller heile ti gutar opp i G16, to av dei frå Gneist. Lars Lunde frå Stord er favoritten, medan Stian Øvergaard Aarvik er klar medaljekandidat. Jens Larsen Åstveit bør ikkje vera langt unna kampen om medaljeplass han heller. Distanse: 1000 meter.

G17
Ti utøvarar på lista også her, der Stian Norheim er Gneist-representanten over 1500 meter. Gustav Iden (Norna-Salhus) og arrangørklubben Varegg sine eigne Jonas Gjesdal og Rasmus Vonen er dei klaraste medaljefavorittane, men her er fleire sterke utfordrarar. Stian er i sjiktet eit lite hakk på bak medaljekampen.

G18/19
Også her er det ti utøvarar, så desse eldste guteklassane er det fres over på førehand. Også i G18/19 er distansen 1500 meter. Nesten halvparten - fire - av utøvarane er frå Gneist. Erlend Gjerdevik Sørtveit er klar medaljekandidat, men også Andreas Iden og Ole Martin Røssland vil kjempa om medaljane. Fjerdemann frå Gneist, Anders Strømblad Hansen, er truleg eit hakk bak der igjen. Norna-Salhus- utøvarane Mikal Iden og Jørgen Tvedt blir tøffe utfordrarar.

MU23
Her stiller BFG-utøvaren Espen Roll Karlsen opp, i kamp mot fire andre utøvarar. Espen er i høgste grad ein interessant start, men Halfdan-Emil Færø må vera storfavoritt. Distanse: 3000 meter.

MS
Her er det ungdommen og gamp Bjarte Eikanger som er vårt lokale håp. Totalt 11 mann står på startlista her, og det blir spennande å sjå Mulugeta Hulensav (Norna-Salhus) på snøføre. Den gamle Gneist-aren Erik Hovlandsdal (no: Norna-Salhus) vil også ha eit ord med i laget her.

Smøretips: Lilla.