Ein runde rundt på terminlister og på nettstader hos relevante friidrettsklubbar fortel om at aktiviteten blir stor også i 2013-sesongen. Det er det liten tvil om.
Men nett kva som skal skje, er meir usikkert.
Vel, dei større stemna har sendt ut sine invitasjonar, med øvingsprogram, så det er ikkje der problemet ligg.
For her er mange arrangørar som er flinke og flittige med seriestemne rundt om, men slett ikkje alle er like flinke til å informera kva for øvingar som skal går føre seg på dei ulike seriestemna. Her er det fleire som bør kunna betra seg: IL Fri arrangerer stemne 15. mai, men kva for øvingar er det der? AKS-77, Hovding og Strandebarm er andre som held korta tett til brystet. og først tett opp til stemnedato informerer om øvingar.
Då blir det verre å planlegga, både for dei som skal konkurrera og dei som skal transportera. Seriestemna er flotte tiltak og for mange er konkurransar her gode øvingsarenaer for dei større stemna.
Her er alltid heiderlege unntak: Både Osterøy og Norna-Salhus informerer godt og skikkeleg om øvingane på sine karusellstemne, til dømes.
*
Til sist: I fjor blei Stordleikane avlyst fordi banedekket ikkje blei ferdig i tide. Eg registrerer at det tillyste kretsstemnet på splitter nye Haugesund Stadion den 13. mai er avslyst, fordi dekket ikkje vil vera klart. Mailekene startar berre seks dagar etter...
Ingen kommentarer:
Legg inn en kommentar