Rekordstatistikk, gutar: Ungdommen på jakt

Denne bloggen er jo jamleg oppteken av klubbrekordar, gjennom heile sesongen. No heilt på tampen vender me oss frå kvalitetsfokus til kvantitet, nemleg til oversikten over kven som har flest klubbrekordar - ja, gjennom "alle tider", som det gjerne heiter på friidrettsspråket.

Denne oversikten gjeld gutane. Marius Benserud og Roar Haugland held stand med sine 29 rekordar, det same som i fjor. Steffen Nerdal er framleis også nr. 3, men der har han fått selskap av 14-åringen Sondre Rinde. Sondre har auka rekordfangsten sin med ytterlegare sju dette året. Han plussa på med sju også frå 12 til 13 år. Gjer han det same som 15-åring, ja då kan alle rekna seg fram til at Marius og Roar sin delte topp er truga. Det kjem fleire ungdommar bakifrå, først og fremst Kristoffer Blücher, nett ferdig med 13års-sesongen, men har alt heile 16 klubbrekordar!, og Gjert Høie Sjursen, som plukkar jamt og trutt med seg nye kast-rekordar. No er han nådd opp i 8.

Her er den totale oversikten over dei gutane som har flest Gneist-rekordar (11-19 år):

1. Marius Benserud 29 rekordar (-)
1. Roar Haugland 29 rekordar (-)
3. Sondre Rinde 23 rekordar (+ 7)
3. Steffen Nerdal 23 rekordar (-)
5. Rodgeir Vigestad 17 rekordar (-)
5. Sigve Stenersen 17 rekordar (-2)
5. Morten Benserud 17 rekordar (-1)
8. Kristoffer Blücher 16 rekordar (+10)
9. Torstein Ryland 14 rekordar (-)
9. Kjetil Espetvedt 14 rekordar (-1)

Og her er lista over dei med flest klubbrekordar av dagens aktive:

1. Sondre Rinde 23 rekordar (+7)
2. Kristoffer Blücher 16 rekordar (+10)
3. Henrik Irgens Gravdal 12 rekordar (+2)
4. Amund Høie Sjursen 11 rekordar (+5)
5. Gjert Høie Sjursen 8 rekordar (+4)
5. Aleksander Lie 8 rekordar (-4)
7. Pål Haugen Lillefosse 5 rekordar (ny)
8. Casper Stenersen 5 rekordar (-1)
8. Eirik Leikvoll 5 rekordar (+1)
8. Ole Martin Røssland 5 rekordar (+2)