Dette skal bli ein trilogi - etter planen. Ja, ein suksess-trilogi - etter planen.
Det startar godt: Første del handlar om påmeldinga til Pingvinlekene komande helg. Den har overgått alt det som det kunne vore rimeleg å forventa. Me snakkar om 4-500 utøvarar og godt over 1000 startar. Midt på vinteren. Det er ikkje berre "ikkje dårleg", det er temmeleg framifrå.
Det blir eit vesentleg større arrangement enn Nornalekene frå januar. Og me må nok vera så ærlege at me også sender nokre takk til kretsen som omplasserte sitt KM til eit mindre interessant tidspunkt enn det Pingvinlekene har no. Pingvinlekene framstår rett og slett som vinterens store inne-høgdepunkt lokalt.
Så gjenstår to heilt sentrale delar i trilogien: det som gjeld arrangementet og det sportslege. Me har naturlegvis stor tru på at begge deler skal bli nye suksess-historier, men ikkje noko kjem av seg sjølv. Og her er full innsats heile vegen til mål - for både funksjonærar og utøvarar.
Ingen kommentarer:
Legg inn en kommentar