mandag 15. september 2014

Stian Øvergaard Aarvik

Søndag tikka det inn melding om at Stian Øvergaard Aarvik (17) hadde oppnådd 5. plass i VM i motbakkeløp for juniorar i Italia.

Det er råsterkt!

Men, på eit vis, var det ikkje noko sjokk. Stian har brote mange barrierar alt, og framfor alt likar han motbakkespringing veldig godt. Det har han gjort lenge.

Eg må vedgå at min kunnskap var for tynn om motstandarane i juniorklassen (og i seniorklassen, for den del) til å kunna spå på førehand om Stian sine sjansar. Det vil den truleg vera framover også, men no veit eg - og me alle - at Stian er kapabel også internasjonalt. Det er kunnskap god nok.

Det skal bli rasande moro å følgja Stian vidare. Naturlegvis fordi han er flink, men kanskje først og fremst fordi han er ein svært hyggeleg og sympatisk ung mann!

Igjen: Svære gratulasjonar til Stian!

Og, sjølvsagt, store gratulasjonar til resten av familien Øvergaard Aarvik også!

Ingen kommentarer:

Legg inn en kommentar