Poeng-UM

I fjor vann Gneist UM-statistikken både på medaljar og på poeng. Det siste var endå meir imponerande enn det første: I poengstatistikken, som eg sjølv vaks opp med då det var ski-VM og vinter-OL og det framleis var overkomeleg mengde øvingar, så får ein poeng for dei seks beste plassane i kvar øving - etter skalaen 7-5-4-3-2-1. Det er med andre ord ein umåteleg fordel å ha mange utøvarar med, og ein endå større fordel på poengtabellen enn på medaljeoversikten.

I fjor vann Gneist poengtabellen knepent, to poeng framfor Tyrving. Det var ein sensasjon, målt etter talet på deltakarar. I år har Tyrving teke trona så til dei grader tilbake, med ei betring av fjorårets poengscore med fine og runde 50.

Gneist hadde ein del stang-ut i år og ein del stang-inn i fjor. Resultatet har blitt 29 færre poeng enn i fjor, men framleis ein solid 2. plass. Det var tre lag frå Hordaland topp 4 i fjor, med IL FRI på 3. plassen. I år har FRI falle ein god del, frå 3. til 19. plass og med heile 48 færre poeng. Men Norna-Salhus har til gjengjeld klatra frå 4. plass til 3. plass, med 19 fleire poeng dette året. Av andre som har falle ut av topp 15 lista frå i fjor er Stord (frå 9. plass til 27. plass) og Kristiansands IF (frå 11. plass til 47. plass...). Men så er det kome nye til, mellom anna finn me årets arrangørklubb Haugesund inne på topp 15 lista dette året:

Klubb	Poeng 2014	Poeng 2013 (+/-)
1. Tyrving (2)	203	+50
2. Gneist (1)	126	-29
3. Norna-Salhus (4)	103	+16
4. Sturla (5)	101	+24
5. Ålesund (12)	80	+29
6. Dimna (12)	79	+28
7. Tjalve (21)	65	+28
8. Sørild (42)	58	+33
8. Ullensaker/Kisa (39)	58	+32
10. Orion (7)	57	-12
11. Overhalla (43)	53	+30
12. Ski (34)	52	+23
13. Haugesund (26)	51	+16
14. Koll (14)	48	0
14. Sandnes (23)	48	+12