Avslutning

BFG Bergen arrangerte onsdagskvelden "Avslutningsstemnet" på Fana Stadion. Dette er ein tradisjon starta av Gneist i 2009, det var med andre ord sjette året på rad at siste onsdagen i september blei brukt til ei slags avslutning av banesesongen. (Men neste onsdag er det siste Norna-karusell på same bane!)

Deltakinga var tynn, berre 15 i talet under faktisk brukande forhold. 100 meter og 600 meter gjekk ut, fordi ingen ville delta her.

Dette var eit junior- og seniorstemne. Dei første åra var også dei yngste - frå 11 år - med, og her er mange etter kvart kjente namn som har brukt opp siste sesongkreftene i dette stemnet:

* I 2009 sprang Vilde Lund Bjørnsen (13) 80 meter på 10,71

* Same året sprang Henrik Irgens Gravdal (11) same distansen på 11,81

* Også Kristoffer Blücher (12) og Jonas Gjesdal (13) har markert seg på denne distansen, med 11,28 på Kristoffer i 2011 og 10,59 på Jonas i 2009. Same året var Jonas nede på 2:51,65 på 1000 meter.

* Vilde Svortevik (16) sprang 100 meter på 12,85 i 2010. På 200 meter blei det 40,29 same året.

* Den kjende stavhopparen Paula Llano (den gong 14) sprang 600 meter på 1:38,93 i 2009.

* Renate Lie (14) sprang 1000 meter på 3:04,85 i 2012.

* Andreas Iden (14) sprang 1000 meter på 2:48,41 i 2009.

**

I år kom Bergenslekene tett på Avslutningsstemnet. Dei tidlegare åra har det vore om lag ti dagar mellom dette siste store stemnet i byen og Avslutninga. Til neste år ser det ut til at årets tidspunkt for Bergenslekene blir vidareført. Ei opning for 11+ igjen under Avslutningsstemnet er truleg fornuftig.