søndag 21. september 2014

Frå Bergenslekene - dag 1

Sjøl driv eg og drar på foten for tida, bokstavleg talt, så desse inntrykka er utelukkande frå resultatlister.

Først til Erlend Gjerdevik Sørtveit, vår representant i det trønderske, som slo til med pers på 1500 meter i Stjørdal lørdag. Tida, 4:04,58, er godt og vel halvsekundet betre enn den gamle, også den sett i Trøndelag, under junior-NM i Overhalla sommaren i fjor.

Så innanriks: Årets Bergenslekene er flytta frå Fana Stadion til Leikvang (utandørs, naturlegvis). Det skjer fordi Bergenslekene går ei veke seinare enn vanleg og dermed kræsjar med Fanamilen på Fana Stadion. No ja.

Sondre Rinde sprang 200 meter hekk på 27,83, ei persbetring på om lag tre tidelar frå tilsvarande stemne i fjor. 

Så fekk me solide 100 meter-løp frå Ingrid Sortland og Malin Marie Rosvoll Olsen. Ingrid persa frå 13,51 til 13,11 (!), frå 100-meteren sin under Framolekene på forsommaren. 13,11 er ni hundredelar under kravet til junior-NM! Også Malin Marie sin gamle pers, på 13,63, var frå Framolekene. Lørdag senka ho den ned til 13,45. Renate Lie sprang vel sin første 100 meter for sesongen, med 12,95 (ein tidel bak persen frå fjoråret).

Til sist frå dag 1 registrerer me nytt stemne for Nora Øvergaard Aarvik, som gjorde eit slags come back under UM i Haugesund. Lørdag blei det ny pers i lengde, på 4,52. Den gamle utepersne var frå juni i fjor, på 4,24, medan persen innomhus er på 4,51, frå januar i år.

Ingen kommentarer:

Legg inn en kommentar