Gneist igjen best mellom dei yngste

Dei var ei dramatisk melding som gjekk ut frå denne bloggen i juli i fjor - "Gneist er detronisert" (13. juli 2013). Det var eit innlegg som presenterte ein oversikt over medaljevinnarane i KM 11-14 år. Det var ein oversikt Gneist ikkje berre hadde vunne, men som klubben hadde dominert i perioden 2009 - 2012. I 2013 var så Fana forbi Gneist - med god margin.

I 2014 er Gneist tilbake på toppen, målt etter talet på gull-medaljar. I tal på medaljar totalt er Fana relativt klart best. Dei to klubbane er, etter alle typar mål, suverent dei to beste klubbane i 11-14 år i Hordaland.

Også Bergens Turenforening var oppe forbi Gneist i fjoråret, men denne klubben hadde ein langt svakare medaljefangst under årets KM og fall ned på 4. plass. I staden hoppar Ask Friidrett opp frå ein 7. plass i fjoråret, med 9 medaljar totalt, til ein flott 3. plass i år - med 12 gull åleine og heile 28 medaljar totalt.

Her er først oversikten over medaljefangsten i årets KM 11-14 år:

	Gull	Sølv	Bronse
Gneist	30	15	9
Fana	23	17	25
Ask	12	9	7
Bergens TF	11	7	7
Norna-Salhus	9	10	2
AKS-77	8	11	11
Viking	4	5	4
Skogsvåg	4	3	1
Bjarg	1	2	0
Osterøy	1	1	2
Laksevåg	1	1	1
Voss	0	3	1
Os	0	2	4
Søreide	0	2	0
Sædalen	0	0	1
Nordre Fjell	0	0	1

Tabellen nedanfor viser utviklinga i medaljefangst i KM 11-14 dei siste sju åra. Den viser at nokre klubbar er på veg nedover, som Norna-Salhus og - i høg grad - Laksevåg, samanlikna med dei første åra i denne perioden. Fana er på full fart framover, inkludert 2014, sjølv om dei måtte vika topp-plassen til Gneist i år. Målt i tal på medaljar har Fana auka frå 53 i fjor til 65 i år. Merk også at Fana tok så mange som 25 (!) bronsemedaljar. Det skjer mellom anna fordi Fana har veldig mange utøvarar med i enkelte øvingar/klassar. Bergens Turnforening har vore på solid frammarsj, men fekk seg eit kvilesteg i 2014.

	2008	2009	2010	2011	2012	2013	2014
Gneist	13-14-10	30-26-22	32-25-16	40-28-20	41-15-9	16-10-5	30-15-9
Fana	6-13-5	7-7-7	7-8-11	15-15-11	9-14-10	22-17-14	23-17-25
Norna	22-16-7	26-24-18	18-6-7	13-13-8	11-5-3	9-2-3	9-10-2
Laksevåg	22-14-15	11-10-6	6-6-6	3-0-1	0-1-1	0-1-1	1-1-1
Bergens TF				12-9-7	13-15-11	21-19-15	11-7-7