Det har vore større deltaking på Bergenslekene tidlegare, det har det så definitivt. Det har også vore betre forhold under eit friidrettsstemne enn ein fekk oppleva i vinden på Leikvang søndagen.
På resultatlista manglar eit av dei store høgdepunkta: I solid medvind, rettnok, sprang trioen Pål Haugen Lillefosse (23,7), Ben Jeffrey (Florø) og ein av dei store kometane i år, Andreas Haara Bakketun, ein strålande 200 meter i G13.
Godt vindresultat på same distanse noterer me også på Jakob Jamt Ånonli. Han sprang på 25,02 i +3,9. Persen til Jakob er på 25,51 frå Strandebarm i sommar. Og endeleg blei det solid "vindpers" også på Malin Marie Rosvoll Olsen, som sprang på 27,59 i +3,5. Persen hennar er frå Framolekene i år, på 28,48.
*
Til sist i oppsummeringa tar me med persen til Andreas Jensen på 1500 meter frå seriestemnet i Arna sist onsdag. Andreas sprang då på 4:37,15, om lag fire sekund under gamlepersen, frå midt i august.
Ingen kommentarer:
Legg inn en kommentar