Nei, det handlar naturlegvis om Stian Øvergaard Aarvik, som forsvarte U23-tittelen sin i motbakkeløp frå fjoråret, då han vann NM i klassen. Det skjedde nettopp i motbakkeløpet Skuggenatten Opp i Treungen i Nissedal kommune, ved sørenden av Nisser-vatnet.
Det såg ikkje slik ut som på biletet lørdag - det var snjo på vegen opp, over svaberga - og like vinterleg i Vest-Telemark som i landet elles.
Kronprins er Stian både i eigenskap av junior-vinnar og fordi tida hans faktisk hadde halde til solid 3. plass også i seniorklassen - ja, svært nær sølvet. Stian er ein hardtarbeidande og likandes kar, så då er det godt å veta at kronprinsar har for vane å bli kongar - etter kvart.
Søndag såg eg ein annan likandes og hardtarbeidande kar, Espen Roll Karlsen, slita seg rundt på 3000 meter under Framolekene, berre døgeret etter at han kom heilt oppe på 4. plass i seniorklasen i NM i motbakkeløp. Både 3000-løpet og 4. plassen var imponerande. Espen var berre tre sekund bak bronsen i Treungen.
Så var det to Gneist-jenter med i U23-klassen for kvinner: Ingrid Næss Johansen, med god Ulriken Opp-deltaking helga før, kom heilt oppe på 6. plass i klassen i debuten i NM i motbakke. På 11. plass i same klassen kom jamaldringen Thea Johanne Slethaug.
**
Og eg, eg får ta meg ein tur opp på Skuggenatten i sommar og nyta utsikten - når snjoen vonleg er borte.
Ingen kommentarer:
Legg inn en kommentar