Vinterkarusellen 2013-2014 blei avslutta mandag kveld, med det 8. løpet for sesongen. Det var jo på tide, all den tid våren har herja i eit par veker alt - sjølv om det var nattefrost og overfrose på "utebilen" tirsdag morgon.
Løpsbølgja finst framleis, noko ein merkar bra i Vinterkarusellen. Det er naturlegvis enno rom for fleire deltakarar. Og det er ei flott tid å trena på no - fram til 3. november og 1. løpet i Vinterkarusellen 2014-2015!
Mange flotte løp har blitt prestert denne vinteren. Karusellen blei lagt i ny løype - langs Flyplassvegen - frå og med Vinterkarusellen 2011-2012. Det er ei løype som det er mange meiningar om, ikkje minst no når det blir bygt trasé for bybanen og Ytrebygdsvegen med omland har hatt stengingar og masse krumspring.
Men me har no uansett ført offisielle rekordar i den nye løypa og kan fastslå at opptil fleire er blitt slegne denne vinteren - nokre også fleire gongar:
5 KM
Her blei jo hovudrekorden for menn knust under sist løp, den 10. mars, då Marius Vedvik sprang heilt ned på 14,43.
Ingvild Myking sprang på 18,17 i november og har no rekorden for dei jentene som er 14 år eller yngre.
Christina Ellefsen Hopland har 18,14 frå siste løpet før jul, som er rekorden i J15-19- klassen.
Stian Øvergaard Aarvik har slite med mangt og mykje denne seinvinteren, men før den tid - i januar - var han i kanonform og sprang 5-kilometeren på 15,57, som er rekorden i G15-19.
Linda Gröning sprang på 20,13 i K35-39 i januar.
Ragnhild Korneliussen har pynta på sin rekord i K60-64 fleire gongar, seinast med 22,32 den 10. mars.
Eilif Villanger sprang på sterke 19,44 før jul i M60-64.
10 KM
På den lengste distansen kom det fleire svært sterke prestasjonar den siste løpsdagen, 31. mars:
Superspringaren André Seliussen frå Gneist flytta rekorden for gutar som er 14 år eller yngre ned med nesten to minutt (!), då han sprang på 36,22.
Gustav Iden knuste også den gamle rekorden i sin klasse, G15-19, då han sprang på 32,28 - den gamle var på 33,45.
Bjørn Tore Kronen Taranger pynta på sin egen rekord i M35-39, då han kom seg under 35 minutt - og sprang på 34,53.
Og tidlegare i vinter:
Christian Ellefsen Hopland har no rekorden i K15-19, både på 5 og 10 km. På den lengste distansen har ho 37,29 frå februar.
Rebecca Hilland sprang littegrann fortare enn det - 37,22 - under første løpet over nyttår. Det er då rekorden i seniorklassen - K20-34.
Bjarte Eikanger sprang på 33,46 i M40-44 på det første løpet i sesongen - den første mandagen i november.
Den gamle BFG-løparen (og med mange andre funksjonar i BFG-systemet) Anders Røssevold kan også springa godt framleis: 27. januar blei det 35,19 i M45-49.
Elise Orten sprang på 42,05 i K50-54 i februar.
Carol Bruce fekk seg rekorden i K55-59, med 49,17 i slutten av januar.
Ragnvald Kanebog sprang på 40,08 i M55-59 den 10. mars.
Same dagen - 10. mars - sprang også Helga Jonsdottir på ny rekord i K60-64: 58,21.
Alle rekordar i Vinterkarusellen kan studerast her.
Ingen kommentarer:
Legg inn en kommentar