Ser bra ut dette

I 2012 og 2013 laga eg ein oversikt over aldersprofilen i BFG. Den var basert på utøvarane som hadde markert seg i den offisielle statistikken i sist ute- og innesesong.

For 2014 blir samanlikninga litt feil - sidan det frå og med sist innesesong er innført elektronisk statistikk som inkluderer alle resultat, og ikkje berre dei me manuelt førande statistikarar fann plass til.

Dette medfører at det i seg sjølv er fleire BFG-arar som finst i statistikken frå 2013/2014-sesongen enn tidlegare.

Men skit og: Slik er det - og når oversikten etter dette viser positive tal, så er det jo fine greier:

Gjennomsnittsalder på baneutøvarane pr. april 2012:

Kvinner: 18,6 år
Menn: 19,7 år

Gjennomsnittsalder på baneutøvarane pr. mars 2013:

Kvinner: 17,8 år
Menn: 16,3, år

Gjennomsnittsalder på baneutøvarane pr. april 2014:

Kvinner: 19,7 år
Menn: 23,9 år (!)

Det er altså då ein god del fleire utøvarar (og ein del eldre) som utgjer grunnlaget i 2014. Her må ein hugsa på at talet på utøvarar gjekk monaleg ned frå 2012 til 2013, etter at Fana IL ville klara seg sjølv:

Totalt tal på utøvarar 2012: 52 (35 kvinner, 17 menn)
Totalt tal på utøvarar 2013: 34 (21 kvinner, 13 menn)
Totalt tal på utøvarar 2014: 58 (28 kvinner, 30 menn)

Ei samanlikning når me kjem til 2015 vil også vera skeiv: Det vil vera første året at begge sesong-statistikkane er elektronisk og inkludera alle. (Årets er altså ei blanding av gamlemåten for utesesongen 2013 og nyemåten for innesesongen 2013-2014).

Men skit i atterhalda: Det ser bra ut dette...