Rekordjakta i gang

Stavgjengen er i gang med sine innstemne - og no er det i Leikvang Friidrettshall det går føre seg. Det må vera høgt nok under taket, må veta!

I tillegg til stavhopping blei det også ei lita stripe med tresteg utan fart ute på Haukås i nordre Åsane søndag.

I stav sette Pål Haugen Lillefosse (G13) rekord frå landsplan og nedover med sitt hopp på 3,55.

Elles noterer me oss 3,45 på Eirik Leikvoll, 2,95 på Magnus Leikvoll og 2,65 på Sanne Myrmel.

Eg har bevega meg over i senioralder i statistikken og opererer no med seriepoeng, det vil seia ein poengtabell basert på senior-resultat. Då snakkar me om utøvarar frå 15 år og oppover. Her plukka Eirik 604 poeng, Sanne 595 og Magnus 486 poeng.

I tresteg utan tilløp blei det ei rekkje klubbrekordar i Gneist og bestenoteringar i BFG:

Sanne Myrmel slo Marianne Benserud sin rekord med éin centimeter i J15: 6,59 mot 6,58.

17-årsjubilanten søndag, Monika Benserud, sette både ny klubbrekord i Gneist i J18 med sitt hopp på 7,49 og ny bestenotering i BFG i U23. I BFG var ho éin fattig centimeter bak Iren Vevatne Isaksen sitt bestehopp på 7,50 frå 2011. (Madeleine Viken hadde den gamle bestenoteringa i U23 med 7,23, frå 2008.)

På gutesida hoppa Pål Haugen Lillefosse på 6,83, som er klart betre enn Eirik Leikvoll sin gamle rekord i G13, men på den andre sida tok Eirik Leikvoll rekorden i G16, med eit hopp på 7,38 - her var det broder Magnus som hadde den gamle på 7,12.

Magnus Leikvoll fekk seg likevel den ledige klubbrekorden i den sjeldene øvinga i G18, då han hoppa på 7,65. Det er også ny bestenotering i U23 i BFG, der Magnus sitt 7,12-hopp frå to sesongar sidan var den gamle bestenoteringa.