Motivasjonsprisen 2013

Dag Rasmussen har sett mange spor etter seg i idretts- og friidrettsmiljøet. Etter at han døydde i 2012 blei det innstifta ein motivasjonspris i hans namn for friidrettsutøvarar i BFG Bergen.

Prisen skal gå til unge seniorutøvarar - i alderen 19-23 år - for å bidra til vidare motivasjon og satsing.

Prisen heng høgt: 19-åringar må oppnå over 1000 poeng etter Tyrvingtabellen, 20- 23- åringar må over 800 poeng etter Serietabellen for å kunna bli nominert til prisen.

Den aller første Dag Rasmussens Motivasjonspris blei delt ut på BFG Bergen sin årsfest onsdag 13. november.

Det var éin kandidat etter 2013-sesongen, Martine Eikemo Borge. Martine fekk prisen første gongen den blei tildelt, samtidig som det var hennar siste sjanse til å få den. Ho fyller 24 i 2014.

Martine har vore eit flaggskip på bane i klubben heilt sidan ho debuterte i hovud-NM som 15-åring - på Fana Stadion - i 2005. Då blei det 8. plass på stafetten og ein 5. plass i forsøket på 400 meter.

Men alt same året - som førsteårs junior - blei det sølv i junior-NM på 800 meter. Sidan har medaljefangsten vore stor og god i norske meisterskap. Martine deltok også i siste EM - på 4 x 400 meter stafett. Eit hovudmål for 2014-sesongen er EM i sveitsiske Zürich.

Med fare for oversette resultat - nedanfor finst ein oversikt over Martine sine individuelle NM-medaljar så langt. (I tillegg kjem det opptil fleire i stafett.)

Lykke til vidare, Martine!

	HOVUD-NM (2 gull, 3 sølv)	JUNIOR-NM (7 gull, 3 sølv)
2005		SØLV, 800 meter
2006
2007	SØLV, 800 meter (2:09,14 – bak frk. Måkestad)	GULL, 800 meter
2008		SØLV, 400 meter (56,66) GULL, 800 meter
2009		GULL, 400 meter (56,39) SØLV; 800 meter
2010
2011	GULL, 400 meter (54,87) SØLV, 800 meter (2:08,75 – bak Ingvild Måkestad)	GULL (U23), 400 meter (54,23) GULL (U23), 800 meter
2012	SØLV, 400 meter (54,49) GULL, 800 meter	GULL (U23), 400 meter GULL (U23), 800 meter
2013	(4. plass, 800 meter – 2:06,31)