onsdag 13. april 2016

Alle tider - i ein fattigare statistikk

Alt var betre før heiter det gjerne. Og det var det - i mange samanhengar. I friidretten har det site mange statistikk-slitarar rundt om og laga sinnrike oversikter - over det meste. Dei siste åra har ein del av dette arbeidet så godt som lege brakk. På den eine sida har ein fått inn ein meir og meir dugande elektronisk statistikk for det som skjer her og no (og for nyare historikk - frå den elektroniske oppstarten og framover). På den andre har den manuelle historikk-oppdateringa tapt seg, i alle fall på nasjonalt nivå. I Hordaland har me framleis Stein Fossen - og då er me redda.

På nasjonalt nivå er det slik at den historiske "Alle tider"-statistikken ikkje har vore oppdatert sidan 1. januar 2014. (På overskriftsnivået ser det verre ut; der står det 1. januar 2013 for jenter og 1. januar 2012 for gutar, men her er heller ikkje overskriftene oppdaterte.)

På seniornivået er det kome oppdaterte oversikter pr. 1. januar 2016 - og det er bra. Men medan dei gamle oversikten innheldt opptil fleire hundre namn for kvar øving, inkludert også fleire "ukurante" øvingar", så er den nye oversikten skrella ned til topp 30 og berre i meisterskapsøvingane. Det er med andre ord ein veldig forenkla oversikt - og eit knallhardt nålauge å klatra gjennom for å koma på desse listene.

Jenter og gutar får me vonleg koma tilbake til, når desse er oppdaterte. Det får vera måte på i kva for grad ein skal føra skuggeoversikter, både for bloggaren og for mange andre.

Her er dei med tilknyting til Gneist på dei nye, tilkneppa listene for senior.


KVINNER

100 meter hekk
6. Anne Beth Espetvedt 13,39
27. Kjersti Ristestund 13,98

3000 meter hinder
16. Anna Serine Røssland 10:42,56

Stav
17. Marianne Benserud 3,31

Tresteg
23. Monika Benserud 12,66




MENN

100 meter
12. Amund Høie Sjursen 10,45

Høgde
26. Roar Haugland 2,13

Lengde
17. Amund Høie Sjursen 7,60

torsdag 7. april 2016

Fristafetten

Og der var dei i gang, ungdommane. Fristafetten er kanskje ikkje vårens vakraste eventyr - det er så mange som slåss om den tittelen - men det er no eit av dei første, i den lokale friidrettske andedammen.

Fristafetten har også vore eit høve for Gneist til å markera seg. Dette er eitt av høva der Stein Fossen har hatt sjansen til å ytra seg om "superklubben i Bergen sør". No er ikkje dominansen til Gneist den same som for eit par år sidan, men det er framleis sterke saker og positive trekk å finna, naturlegvis.



Sterkast resultat stod juniorlaget i herrelassen for. Det blei nr. 2 av alle laga, berre slege av Gular sitt beste seniorlag. Avstanden er også gjort mindre frå fjoråret. I reine tider er det vanskeleg å samanlikna. Fristafetten blei til "nye Fristafetten" i fjor, då den blei flytta frå Espeland til Indre Arna, og i år blei det gjort endringar i løypa også på nye-staden. Juniorlaget til Gneist har i alle fall vunne begge dei to åra Gneist har stilt reint juniorlag.

På seniorsida var det tynnare. Her kom bestelaget for menn på 5. plass, medan kvinnene ikkje har breidde nok på denne årstida til å stilla lag. Her var det i staden juniorlag, som beit godt frå seg; blei nr. 2, som er opp eitt hakk frå fjoråret.

Til ungdommen:

Jenter 11-14- laget hadde 5 sigrar på rad i perioden 2009-2013, med ei rekkje sterke løparar i den yngste Gneist-stallen. I 2015 var laget nede på 4. plass, så årets 2. plass var eit steg i rett retning igjen. Det var godt og vel ti sekund opp til vinnarlaget Fana.

Gutar 11-14 var tilbake på vinnarsporet. Også det laget dominerte i mange år, med førsteplass kvart år mellom 2009 og 2014. Så var det nede på 2. plass i fjor, før trona blei gjenvnnen i år. Men avstanden til Fana og Norna-Salhus var knapp (to og fem sekund).

Også i Mix 11-17- klassen har Gneist mykje bra å sjå tilbake på, men her har klubben ikkje stilt lag dei to siste stafettane.

Men: Gneist-klassen framfor nokon er Mix 11-14. Her er sigersrekka om lag like lang som det Rosenborg si var i den norske fotball-ligaen i si tid, men Gneist i Fristafetten er naturlevis eit kjekkare skode.

Så då er det heile i gang.


Fristafetten


2008
2009
2010
2011
2012
2013
2014
2015
2016
J11-14
2
1
1
1
1
1
2
4
2
G11-14
2
1
1
1
1
1
1
2
1
Mix
11-17
5
-
4
1
1
1
1
-
-
Mix
11-14
1
1
1
1
1
1
1
1
1










KJ
1
1
4
3
2
2
-
3
2
KS
1
2
2
-           
2
-
2
1
-
MJ
1
1
4
3
3
1
2
1
1
MS
1
1
4
3
3
1*
2
4
5













= BFG (* Senior-B)