fredag 31. oktober 2014

Alle Tider - kvinner

Dagens presentasjon tar for seg dei av dei lokale heltinnene - for det er jenter (kvinner) det handlar om - som har persa utomhus i 2014 og samtidig funne sin plass i Alle tider-statistikken for seniorar på landsbasis. Denne statistikken er omfattande og har for dei fleste øvingar fleire hundre namn.

100 meter
169. Monika Benserud 12,40

200 meter
130. Vilde Lund Bjørnsen 25,14

400 meter
101. Vilde Lund Bjørnsen 56,43
443. Iren Vevatne Isaksen 59,55

600 meter
9. Martine Eikemo Borge 1:31,02

800 meter
27. Martine Eikemo Borge 2:05,04

1500 meter
308. Anna Serine Røssland 4:40,32
373. Eline Myking 4:42,92

2000 meter
14. Ingvild Myking 6:24,49

3000 meter
230. Anna Serine Røssland 10:03,22
268. Ingvild Myking 10:07,77

100 meter hekk
313. Maren Haugen Lillefosse 16,19

2000 meter hinder
31. Eline Myking 7:18,92

3000 meter hinder
17. Anna Serine Røssland 10:42,56

Høgde
495. Nora Øvergaard Aarvik 1,58

Stav
60. Sanne Myrmel 2,86

Lengde
56. Monika Benserud 5,88
187. Maren Haugen Lillefosse 5,56

torsdag 30. oktober 2014

BFG utan B, F og G - eller: Gneist og Vinterkarusellen

I januar 1987 bestemte Bjarg, Fana og Gneist seg for at dei skulle samarbeida om friidrett i organisert form. Det gjorde dei med eit håp om betre ressursutnytting for junior- og seniorutøvarane i dei tre klubbane samla. Valet av organisasjonsform blei å oppretta den såkalla «paraplyklubben» BFG Fana. BFG stod for dei tre stiftingsklubbane Bjarg, Fana og Gneist. «Fana» var både knytt til «Fana Stadion» og den bydelen alle dei tre klubbane sokna til, Fana. (Dette var nokre år før Ytrebygda bydel blei oppretta.)

Så gjekk no åra, BFG Fana fekk nokre gode år og ein del ikkje så gode år.

I tillegg til utøvarar med basis i Bjarg, Fana og Gneist kom det ein sjeldan gong ein utøvar utanfrå, men studentar har stort sett alltid hamna i Gular – både tidlegare og no.

Så har det kome til ei veterangruppe i BFG. Desse har hatt det kjekt, på kvar sine treningar – for menn og kvinner – og har hatt som sitt store mål å delta i Holmenkollstafetten kvart år, i tillegg til lokale stafettar. Veterangruppa har gjort god dugnadsinnsats i BFG og stort sett ikkje stilt krav om noko som helst.

Med utgangspunkt i Fana Stadion har det vore ei ivrig gruppe som har arrangert «Maratonkarusellen» ein del år no. I 2006 blei denne «uorganiserte gruppa», som dei kalla seg sjølv, knytt til BFG Fana. Maratongjengen fekk to store fordelar av det: Dei fekk nytta klubbhuset til BFG i samband med arrangementa sine og dei fekk vera knytt til ein organisert friidrettsklubb. Det siste er viktig for alle som vil arrangera løp som skal vera godkjente i offisiell fasong i (fri-)idretten.

Men så:

I 2012, då BFG Fana var blitt 25 år, melde Fana seg ut av samarbeidet. Dei meinte dei kunne klara seg best sjølve – og samarbeida direkte med andre klubbar, der det var trong for det.

I 2014 har så Bjarg og Gneist kome til same konklusjonen.

Hausten 2014 er ein altså i den situasjonen at BFG (som skifta etternamn til «Bergen» i samband med at Fana trekte seg ut) har mista både B-en, F-en og G-en. BFG utan B, F og G er som… ja, som ingenting.

Men i banesamanheng har likevel ein god del utøvarar konkurrert for BFG i 2014. 80 prosent av desse utøvarane soknar til IL Gneist. Det var såleis ikkje til å undra seg over at Gneist, då dei trekte seg ut av samarbeidet, samtidig sa at klubben kunne ta på seg ansvaret for utøvarar, trenarar og sportsleg satsing – også i eit samarbeid med Bjarg (og for så vidt med Kalandseid, som kom inn i samarbeidet i 2013, med ei smålåten gruppe).

Inntektene i BFG har blitt brukt til sportsleg satsing – på utøvarar, trenarar og reiseverksemd.

Inntektene i BFG har kome frå ein del arrangement, først og fremst Vinterkarusellen.

Gneist har påteke seg store sportslege forpliktelsar, som tidlegare har lege i BFG-samarbeidet. Difor har BFG sitt styre gått inn for ein leigeavtale for Vinterkarusellen med Gneist, slik at Gneist tar best muleg vare på dei utøvarane som BFG har ytt støtte til på så godt vis som muleg inntil nyleg.

Kvifor ikkje halda fram som før?

Jo, i stor grad har det vore snakk om dei same  utøvarane: Både Gneist og BFG har dermed brukt dyrebar frivillig innsats til å administera dei same ungdommane. Dette er ikkje lurt.

Når ein opprettar noko, tar gjerne dette «noko» til å leva sitt eige liv – på eit anna vis enn det som var meininga. Når B, F og G etter kvart er ute av BFG (frå 1. januar 2015), så har veteranane og maratonistane kome på banen og vil vidareføra BFG. Dette er det ingenting å seia på i seg sjølv. Verre er det når veteranane og maratonistane – som enten ikkje har hatt behov for pengar, ikkje har kome med krav om pengar eller har seks-sifra summar på eiga bok – kjem med krav om å halda på midlar på bekostning av dei utøvarane og trenarane som BFG fram til akkurat no har sytt godt for.

Når eit mindretal slik prøver å tilrana seg midlar og/eller posisjonar frå eit fleirtal, så snakkar ein gjerne om eit kuppforsøk.

Eit demokrati blir målt etter korleis ein tar vare på sine mindretal.

Maratonkarusellen har eit vellykka føretak, både sportsleg og økonomisk. Her er ikkje behov for hjelp og støtte på noko vis. Slik hjelp og støtte har heller ikkje vore etterspurd. Maratonkarusellen har bruk for hus og klubb, som før. Det skulle det ikkje vera grunn til å nekta dei, om dei skikkar seg vel.

Veteranane har klart seg 100 prosent sjølve. Dei har vore drivande dugande til å stilla på dugnad (…), utan å krevja motytingar. Som ein gest i samband med at Gneist skulle overta som teknisk arrangør av Vinterkarusellen fekk veteranane tilbod om å få 10.000 kroner som kompensasjon for å gjera den dugnadsinnsatsen ein har gjort gratis i alle år. Ein takka i staden nei til både pengane og til å stilla på dugnad, no når det er Gneist som arrangerer og ikkje BFG, sjølv om inntektene blir brukt på nøyaktig det same som tidlegare. Eg er litt usikker på om alle veteranane har fått med seg at dei har sagt nei til femsifra sum med pengar, men det er ei anna sak.

**

Etter at Fana gjekk ut av BFG i 2012 har det blitt tydelegare at BFG er blitt meir og meir ein bremsekloss for samarbeid, snarare enn ein katalysator for det. Samtidig er det blitt utvikla eit godt idrettssamarbeid i foreninga «Idrett Bergen sør», der Bjarg, Fana, Gneist, Smørås og Kalandseid deltar. Her er det grobotn for eit godt, direkte samarbeid mellom klubbane, utan at dette er organisert i ein ekstra klubb utanom – med alt det inneber av ekstra administrering og akkedering.

Og då må veteranar og mosjonistar, med jamt over velfødde lommebøker og eigen mosjonering som drivkraft, kutta ut meiningslaus krangling om å ta av kaka som er tiltenkt barn, ungdom, studentar og andre unge vaksne.

For det er frivillig innsats for barn og unge det handlar om.


Mandag 3. november startar Vinterkarusellen med Gneist som teknisk arrangør. Det borgar for kvalitet. 

onsdag 29. oktober 2014

Alle Tider - Gutar 18: Amund rett inn i norgestoppen

2014 har vore eit svært år for Amund Høie Sjursen. Han har representert landslaget på junior- og seniornivå. Han markerer seg også heilt i toppen i Alle tider-statistikken for gutar 18.

* På 100 meter er han nr. 2 med sine 10,45. Aham Okeke står med 10,40. Tida til Amund er likevel ny norsk aldersrekord, sidan Okeke var nigeriansk statsborgar. Den gamle aldersrekorden tilhøyrde Jonas Halonen frå Tyrving og var på 10,64. (Carl Fredrik Bunæs frå Tjalve hadde 10,4 manuelt frå 1957). Tida til Amund er naturlegvis då også solid ny krestsaldersrekord, den gamle var på 10,89.

* I lengde er han også nr. 2 med sine 7,60. Her er det husnesingen Gøran Moen som har G18-rekorden - og den norske juniorrekorden - med 7,75, sett i Budapest i 1989.

* nr. 11 på 200 meter, som Amund så langt har sprunge etter måten sjeldan, med 21,82. Men Amund sette kretsaldersrekord. Den gamle hadde Erlend Sæterstøl med 22,04, frå 1993.

* nr. 18 på 60 meter med utetida 7,08, men nr. 1 med innetida 6,88 - likt med Fernando Ramirez. Nemnde Erlend Sæterstøl har 7,03 (ute).

* nr. 45 i høgde med 2,02.


søndag 26. oktober 2014

Alle Tider - Jenter 18

I aldersbestemt samanheng så er det to årsklassar som blir til éin - det er 18- og 19-åringane som har fellesklasse i 18/19 - som ein slags mjuk overgang til at det er heilt (med eit unntak eller to) slutt på at alder er viktig.

Når det gjeld Alle tider-statistikken, så stoppar den ved 18-åringane og inkluderer altså ikkje 19-åringane. Dette har med historiske forhold å gjera og når ein blei junior og senior og slikt i gamle dagar. 19-åringane må såleis markera seg i senior-statistikkane, til dømes - og det får me eventuelt koma tilbake til.

No gjeld det jentene på 18 år - og dermed konkret for dette året Monika Benserud og Vilde Lund Bjørnsen.

Monika Benserud
- nr. 9 i tresteg med 12,25
- nr. 19 i lengde med 5,88
- nr. 48 på 60 meter med utetida på 7,93. Med innetida på 7,79 er ho nr. 21 (på 60 meter blir inne- og utetider slegne saman på denne statistikken)
- nr. 59 på 100 meter med 12,40
- nr. 82 på 200 meter med 25,67

Vilde Lund Bjørnsen
- nr. 26 på 400 meter med 56,43
- nr. 34 på 200 meter med 25,14
- nr. 85 på 100 meter med 12,51

fredag 24. oktober 2014

Alle Tider - 17-åringane

Henrik Almenningen har hatt jamleg flott framgang dei siste par sesongane, ikkje minst i tresteg, der han har plukka med seg fleire medaljar i ungdomsmeisterskapa også. Persen er i løpet av 2014-sesongen flytta heilt til 13,60, noko som plasserer han på 85. plass for gutar 17 i Alle tider-statistikken på landsplan.

jentesida for 17-åringar er det ein kvartett som har funne seg markeringar i den same norgesstatistikken (ikkje minst i hinderøvingar):

Thyra Hevrøy
* nr. 8 på 1500 meter hinder (5:19,76)

Ingrid Næss Johansen
* nr. 15 på 1500 meter hinder (5:53,35)

Eline Myking
* nr. 12 på 2000 meter hinder (7:18,92)

Anna Serine Røssland
* nr. 1 og aldersrekord på 1500 meter hinder (4:57,97). Her hadde Aurora Dybedokken frå Tyrving den gamle rekorden, på 5:01,33, sett i 2012.
* nr. 2 på 3000 meter hinder (10:42,56). Tida er ny kretsaldersrekord, 1 minutt og sju sekund betre enn den gamle.
* nr. 45 på 3000 meter (10:03,22)
* nr. 95 på 1500 meter (4:40,32)

torsdag 23. oktober 2014

Alle Tider - Gutar 16

Det er ein sterk trio som representerer 1998-gutane når Alle tider-markeringane i norgesstatistikken for 16-åringar skal studerast etter 2014-sesongen. Her må leggast til ein av årets kometar, Vegard Albrigtsen, ikkje er på lista, men han har markert seg særs godt i nokre øvingar der det er svært sterke resultat frå tidlegare. Det fortel sitt når bestemann på 800 meter går inn på 72. plass på lista med si 1.57-tid.

Her er oversikten meir i detalj:

Henrik Irgens Gravdal
- nr. 18 på 600 meter (1:25,21)
- nr. 72 på 800 meter (1:57,67)

Eirik Leikvoll
- nr. 91 i stav (3,60)

Sondre Rinde
- nr. 6 på 110 meter hekk (91,4) med 15,10
- nr. 10 på 300 meter hekk (40,60)
- nr. 12 i tresteg (13,88)
- nr. 18 på 200 meter hekk (27,83)
- nr. 42 på 100 meter hekk (14,04)

onsdag 22. oktober 2014

Alle Tider - Jenter 16

1998-jentene (og for så vidt gutane, men dei står for tur) kom i 2014 til 16 års-klassen. På Alle tider-statistikken så har eg notert meg to utøvarar i denne klassen, Renate Lie og Maren Haugen Lillefosse - den siste med eit sterkt come back denne sesongen.

Renate Lie
- nr. 33 på 600 meter (1:38,4)
- nr. 36 på 400 meter (58,11)

Maren Haugen Lillefosse
- nr. 27 på 100 meter hekk (14,67)
- nr. 65 i lengde (5,56). I ein del øvingar - til dømes sprint og hopp - er det uhyre tett mellom dei som er inne på den historiske oversikten. Ein 65. plass fortel svært lite. 5,56 på Maren er nøyaktig same lengda som Nadia Akpana Assa hadde som 16-åring. Og det er same Nadia som vann sølv i lengde i junior-VM i Eugene denne sommaren.
- nr. 82 på 80 meter hekk (12,19)

tirsdag 21. oktober 2014

Alle Tider - Gutar 15: Kristoffer sine noteringar

Det finst kanskje dei der ute som lurer på kvifor det blir skrive "Alle Tider" i tittelen, som om det var engelsk eller kan henda tysk alt dette gjekk i. Til det kan eg seia: Det er mitt umotiverte bidrag til den generelle språk- og rettskrivingsforvirringa her i landet. Og så er det tradisjon: Då eg tok til å skriva om denne statistikken for eit par år sidan, så tok eg også - igjen: heilt umotivert - til å skriva "Alle Tider", i alle fall i titlane. Og har ein først teke til å gjera ein feil, så får ein sjå til å følgja den opp.

I dette innlegget handlar det om eit blikk på statistikken for 15-årsgutane gjennom alle tider på landsplan. Og for 2014 gjeld det at det handlar om gutane som blei fødde i det på mange måtar oppskrytte og oppskræmte året 1999.

Og i vår samanheng handlar det endå meir konkret om Kristoffer Blücher sine noteringar etter 2014-sesongen:

* Nr. 2 på 300 meter hekk med 39,76. Karsten Warholm har her aldersrekorden på 39,34, medan Kristoffer sette kretsaldersrekord. Den gamle hadde ostringen Markus Loftås med 40,39 (frå 2009).

* Nr. 3 på 600 meter med 1:24,83. Også her blei det kretsaldersrekord for Kristoffer. På 600 meter slo han medGneist-ar Håvard Hasås sin segnomsuste rekord på 1:24,99 frå Stordleikane i 2002.

* Nr. 4 på 300 meter med 37,06.

* Nr. 8 på 100 meter hekk (84cm) med 14,54.

* Nr. 12 på 200 meter med 23,21.

* Nr. 13 på 100 meter med 11,41.

* Nr. 13 på 400 meter med 52,18.

* NR. 24 på 60 meter med 7,41.

Heilt uoffisielt.

Alle Tider - Jenter 15

Sanne Myrmel hadde ein fin debutsesong som junior. Med 2,86 i stavsprang plasserer ho seg på 19. plass i den historiske norgesstatistikken for 15-åringar.

Elles er det Ingvild Myking sine prestasjonar som skil seg ut mellom 15-åringane. Ingvild sprang alt i 2014 ein fantastisk 2000 meter i Gøteborg. Under årets arrangement av Världsungdomsspelen blei tida endå betre - ned til 6:24,49. Dette er nest beste tida av ein 15-åring gjennom tidene i Norge. Den tredje beste 15-åringen gjennom tidene er forresten Karoline Bjerkeli Grøvdal, som står med 6:28,97 - verdt å ta med seg det og. Ingvild sette solid ny kretsaldersrekord. Frida Berge hadde her den gamle på 6:40,61, sett i 2009.

Også på 3000 meter blei det kretsaldersrekord for Ingvild. Og her var den gamle heilt tilbake frå då underteikna som 11-åring fekk sitt første gule kort som midtstoppar i Trio, 1978. (Det skjedde i Ølen og dommaren hadde gløymt korta, måtte berre fortelja meg at eg hadde fått gult kort, altså, men dette er naturlegvis ein diger digresjon.) Ingvild sprang på 10:07,77 - som er 13. best i landet. Den gamle kretsaldersrekorden var det Gneist og Ingrid Sandvoll som hadde, med 10:08,84

søndag 19. oktober 2014

Vinnarar lørdag

Preben Hodneland og Maria Parr deler for meg toppen av pallen etter lørdagens innsats. Vel, saman med Odd Nordstoga, naturlegvis. Her var mange andre solide innsatsar i ensemblet, men desse tre - Parr som forfattar, Nordstoga som komponist og Hodneland som hovudrolleinnehavar, 28-åring som spelar 9-åring tvers gjennom overbevisande - var gull verdt som underhaldning under framsyninga av "Vaffelhjarte" på DNS lørdag ettermiddag. Innertiar!

Samtidig, ein annan stad i byen, blei det arrangert NM i terrengløp. Her må ein berømma Jostein Lie og hans ensemble for at ein kom i mål med dette meisterskapet på ein fin måte.

Nokre enkle kommentarar, basert på resultatlista og augevitne-kommentarar frå nærtståande:

* Oppskriftsmessig gull til Ingvild Myking i J15, nesten minuttet framfor nr. 2. Her var også Esther Zijerveld frå Laksevåg berre tre sekund unna bronsen.

* Knallsterkt løp av Christina Ellefsen Hopland frå Varegg, då ho vann J17-gullet. Løpet var så sterkt at det bør kvalifisera Christina til Nordisk terreng-meisterskap i november. Ingrid Næss Johansen fekk 4. plassen i klassen.

* Fin sølvmedlaje i G16 til Henrik Irgens Gravdal, medan det blei 5. plass for Andreas Jensen i same klassen.

* Flott UM-gull til Vegard Austevoll i G17, følgt opp av ein strålande bronse, tett bak gull og sølv, for Jens Larsen Åstveit.

* I junior-klassen for menn var Stian Øvergaard Aarvik lenge med og kjempa tett på medaljekampen. Det blei litt tungt på slutten, men ein fin 9. plass til sist for Stian. Ole Martin Røssland avslutta ein spesiell sesong for eige vedkomande med 15. plass, Stian Norheim blei nr. 18 og Steffen Algrøy Boga nr. 19 i juniorklassen.

* Tung tur heimom frå vår nye trønder, Erlend Gjerdevik Sørtveit, som blei nr. 30 i seniorklassen over 10 km.

* 4. plass for Morten Seliussen i Menn 40-44, ikkje så himla langt frå medalje.

Gullet frå Den Nationale Scene kan ein studera her.

fredag 17. oktober 2014

Alle Tider - 14-åringane: Anna og Gjert

Eg har ein 14-åring i heimen som stadig set nye rekordar - så godt som ingen - eller: ingen - er offisielle.

Men 2000-årgangen er, ikkje minst av ovanfornemnde grunn, ein årgang eg set stor pris. 

På lista over Alle tider-plasserte 14-åringar etter 2000-sesongen har eg funne to: Anna Evensen - "star of light night television" - for jentene og Gjert Høie Sjursen for gutane. 

Og dette er plasseringane deira - framleis 100 % uoffisielt:

Anna Evensen
- nr. 18 på 60 meter hekk (9,41)
- nr. 31 på 200 meter hekk (31,17)
- nr. 69 i tresteg (planke) med 10,23

Gjert Høie Sjursen
- nr. 8 på 80 meter hekk (11,81)
- nr. 9 på 80 meter (10,08)
- nr. 23 i slegge (36,65)
- nr. 34 i lengde (5,97)
- nr. 73 på 200 meter (25,05)

torsdag 16. oktober 2014

Alle Tider - Gutar 13: Ein sterk årgang

2001-gutane hadde mykje å fara med også før 2014-sesongen. Denne sesongen kom endå eit medlem til i denne sterke gjengen. Det viser også igjen på den historiske "Alle tider"-statistikken. Lyntoget Andreas Haara Bakketun har kome som ei kanonkule, mellom anna ved å slå Kristoffer Blücher sin kretsaldersrekord på 100 meter (med 8 hundredelar)  I tillegg er det frå før særs sterke utøvarar i Pål Haugen Lillefosse, Håvard Rinde, André Seliussen og Hans-Magnus Haukøy frå 2001-årgangen.

Her er plasseringar i Alle tider-statistikken etter 2014-sesongen, høgst uoffsielt:

Andreas Haara Bakketun
- nr. 2 på 100 meter (12,23). Dette er altså også kretsaldersrekord.
- nr. 8 på 200 meter (25,09). (Her er det framleis Kristoffer som har kretsaldersrekorden på 24,92.)
- nr. 30 på 60 meter (7,83)

Hans-Magnus Haukøy
- nr. 76 på 1500 meter (4:36,36)

Pål Haugen Lillefosse
- nr. 1 på 60 meter hekk (8,92): klar ny aldersrekord, den gamle hadde Sondre Rinde på 9,31.
- nr 1 i stav (4,06): klar ny aldersrekord, den gamle var på 3,75. Eirik Greibrokk Dolve hadde elles 3,30 som 13-åring.
- nr. 4 på 200 meter hekk (29,19): kretsaldersrekord - den gamle hadde Markus Loftås frå Osterøy frå 2007.
- nr. 5 på 100 meter (12,31) - tangering av den gamle kretsaldersrekorden.
- nr. 9 på 200 meter (25,18)
- nr. 46 i lengde (5,49)
- nr. 47 i tresteg (11,05)
- nr. 64 på 60 meter (7,93)
- nr. 96 i høgde (1,62)

Håvard Rinde
- nr. 7 i spyd (47,06)
- nr. 9 på 60 meter hekk (9,42)
- nr. 20 på 200 meter hekk (30,49)
- nr. 61 i tresteg (10,93)

André Seliussen
** Sprang på 9:48,82 på 3000 meter.  Her finst det ingen offisiell historikk for 13-åringar på distansen, men André slo i alle fall Henrik Irgens Gravdal sin klubbrekord i Gneist for 13-åringar med fem sekund - det seier sitt det også.



Alle Tider - Gutar 13: Gjerts gjennombrot

13-åringane er dei yngste som finst på Alle Tiders-statistikkane - i alle fall dei offisielle. Det er altså Anna Evensen og Silje Stenersen sine aller første markeringar i denne oversikten, det dei oppnådde for 2013-sesongen. For gutane er det Gjert Høie Sjursensom susar inn på dei historiske listene - med heile seks markeringar.

Det er sagt ein god del om Gjert sin 2013-sesong tidlegare. Gjert har i fleire år vist at han er Gneist sin store kastar. I ein klubb der store kastarar er sjeldne og mangelvare, så har han vist svært så lovande taktar sidan han kasta sin første, vesle ball for fleire år sidan. 

Den styrken har Gjert framleis, men i 2013 har han også følgt i broder Amund sine sko og prestert både i hopp og i sprint. Og det er i sprintøvingar og i kast Gjert no er inne på Alle Tider-statistikken, slik:

107. plass - 200 meter: 26,81
94. plass - 100 meter: 12,92
86. plass - kule: 13,62
76. plass - 60 meter hekk: 10,27
13. plass - slegge: 39,44
12. plass - diskos: 40,65

tirsdag 14. oktober 2014

1000

DETTE er innlegg nr. 1000 på denne bloggen, sidan eg starta 2. desember i 2010. 

Det var ein viktig motivasjonsfaktor då bloggen så smått blei gjenoppteken i september, etter fire månader i dvale – det å kunna nå 1000 innlegg. Og no er det altså gjort.

Mi største oppleving som friidrettsentusiast fekk eg i juli i år, då bloggen var i pausemodus.

Då fekk eg vera med på junior-VM i sjølvaste Eugene, Oregeon, USA.

Eg fekk sjå Anna Serine springa med norsk landslagsdrakt, saman med dei beste junior-hinderløparane i verda.

Eg fekk sjå Ole Martin vera akkreditert som ein av dei yngste personlege trenarane i meisterskapet.

Eg fekk oppleva flotte «Historic Hayward Field» og ei heidundrande stemning, skapt av entusiastiske utøvarar frå om lag 200 land.

Det var varmt og fint ver der borte, noko som gjorde det lettare å leva med meldingar og bilete frå gamlelandet, med 30-35 grader og stille fjordar heile tida.

Vel, trass i bloggpausen: no er Eugene nemnt også på denne bloggen.

1000 er nådd.

Ingen veit kor vegen går vidare. Som han sa, han svensken som var 100 år og som klatra ut gjennom eit vindauge og forsvann: Det som skjer, det skjer.


NM/UM i terrengløp på Stend

Lørdag førstkomande blir det arrangert NM/UM i terrengløp på Stend/Stavollen. Dessverre er ikkje løypa heilt som planlagt, då det føregår omfattande gravearbeid på det som var KM-traseen tilbake i mars månad. Så her har ein måtta improvisera. Deltakartalet er ikkje så godt som det burde vera. Det har med fleire ting å gjera, mellom at austlendingane har sikra seg eigne, populære løp i direkte konkurranse med NM-arrangementet: NM skulle eigentleg ha vore arrangert sist lørdag, 11. oktober, men då var like så godt Furumomila sett opp samtidig. Begge arrangementa er kvalifiserande til internasjonale terreng-oppgåver seinare i haust. Komande lørdag kolliderer NM med Hytteplanmila. Her er det truleg med fleire gode løparar som normalt skulle og burde ha sprunge NM.

Det er ikkje lett å forstå seg på, så eg let heller forsøket vera.

Her er ei enkel vurdering av klassane:

Jenter 15 (4 km)
Her er Ingvild Myking (Bjarg) stor favoritt på heimebane. Bak henne blir Helene Vikingstad (Sola) og Maria Wiig (Stavanger) rangert. 7 påmelde.

Jenter 16 (4 km)
Here er det berre 2 (!) deltakarar på startlista, og Renate Lie - med ei rekkje KM-gull i terrengløp på merittlista i aldersbestemte klassar, er favoritt, framfor Ingeborg Skarstad (Trones).

Jenter 17 (4 km)
Her er det 7 påmelde i klassen. Christina Ellefsen Hopland (Varegg) er relativt klar favoritt, framfor Clara Sagnes Wågan (Namsen), medan Thyra Hevrøy og Ingrid Næss Johansen er våre lokale deltakarar. Thyra vann bronse i tilsvarande meisterskap i J16 i fjor, og kan gjera det igjen. Eg er usikker på om Anette Skar Binfield (Vidar) kan blanda seg inn i medaljekampen.

Kvinner junior (4 km)
I kvinnene sin juniorklasse er det 9 påmelde utøvarar. Her er dei tre beste frå sist helgs Furumomila på ny favorittar: Heidi Mårtensson (Modum), Elisabeth Angell Bergh (Haugesund) og Live Solheimdal (Steinkjer).

Kvinner senior (6 km)
13 påmelde er det i seniorklassen - og det blir ingen imponert av. IL Gular er tungt inne, med akkurat over halvparten (!) av dei på startlista. Av dei lokale kjem me ikkje utanom evigunge Kirsten Marathon Melkevik (Gular), men også Ingeborg Kristine Lind (Gular), Eli Anne Dvergsdal (Gular) og Rebecca Hilland (Bergen Løepklubb) blir spennnande å følgja. EM-farar på 10.000 meter, Runa Skrove Falch (Steinkjer) og Marthe Katrine Myhre (Vidar) er solide medaljekandidatar frå "utlandet".

Gutar 15 (4 km)
Det er 6 deltakarar på lista i G15, og Simen Halle Haugen (Runar) er einaste ikkje-vestlending - og favoritt. Bak han synsar me oss fram til Joachim Losnedal Tonning (Varegg) og Vetle Bergsvik Thorn (Norna-Salhus).

Gutar 16 (4 km)
Både i G16 og G17 er det fleire av dei heilt openbare favorittane som har flytta seg over i juniorklassen, men aldri så gale... Det skulle innebera at Henrik Irgens Gravdal skulle vera klar for eit nytt UM-gull. Bak der stiller Oliver Andersen Vedvik (Tønsberg) og Sigve Kolderup (Moss). Også Andreas Jensen (Kalandseid) er på startlista.

Gutar 17 (4 km)
Brørne Tore og Magnus Dybdahl (Vidar) er mellom dei som kan "dansa på bordet" i G17 når eit par av dei største kanonene i staden er å finna i juniorklassen. Tore er favoritten, medan Magnus, saman med Ådne Karlsen Bekkestad (Sturla) er medaljekandidatar, men det er i høg grad også vår eigen Jens Larsen Åstveit.

Menn junior (6 km)
I menn junior er det heile 26 påmelde - og det er fint. Det er i tillegg svært mange sterke namn, ikkje minst av ovanfornemnde grunnar; sterke utøvarar i dei yngre UM-klassane har i staden meldt seg opp i NM-klassen menn junior. Ja, her er såpass mange sterke namn at det er vanskeleg å plukka ut tre medaljekandidatar, men Kristian Tjørnhom (Kristiansand), Magnus Hannevig Pettersen (Sturla) og Edvard Kamperud Nygaard (Tjalve) er i alle fall eit forsøk, men Sigurd Ruud Skjeseth (Orion), Stian Bekkevoll (Kristiansand), Thomas Jefferson Byrkjeland (Tjalve) og Albert Sperstad (Tyrving) fortener også å bli nemnde. Motbakke-kronprins Stian Øvergaard Aarvik, Stian Norheim og Ole Martin Røssland er på startlista, det same er Steffen Algrøy Boga (Kalandseid). Størst spenning er det til Stian Aarvik og korleis han kan blanda seg inn i juniorklassen. I fjor vann han G16 (4 km) i tilsvarande meisterskap. Eg har naturlegvis heller ikkje gløymt Jørgen Tvedt og Gustav Iden frå Norna-Salhus eller Lars-ane Lars Jonassen Føyen og Lars Lunde frå Stord mellom dei mange sterke namna på lista.

Menn senior (10 km)
Heldigvis finst det interessante namn også i seniorklassen for menn, mellom dei 36 påmelde. Sondre Nordstad Moen (Vidar), Ørjan Grønnevig (Stavanger) og Marius Vedvik (Gular) er sterke milslukar-namn. Også Bjørnar Sandnes Lillefosse (Gular) og klatrar Johan Bugge (Eidsvåg) har vist solid form i år. Midt i dette laget stiller Espen Roll Karlsen og Trondheims-farar Erlend Gjerdevik Sørtveit.

... Og kva seier vermeldinga før løpa på dei tunge bakkane på Stavollen? Joda, flott og småkjøleg haustver fram til slik om lag lørdag klokka 12. Då skal det ta til å hølja ned. Løpsstart: 12.15 lørdag. Me får satsa på eit par timars utsetting av dusjinga.

mandag 13. oktober 2014

Best i Norge, menn - UTE, 2014

Oversikt over lokale menn som har markert seg i seniorstatistikken i 2014 finst nedanfor. Her legg ein lett merke til Amund Høie Sjursen, som er heilt i norgestoppen, men også at Espen Roll Karlsen har heva seg eit par hakk og er inne på lista i fleire øvingar.

Her er lista (topp 50):

60 meter
3. Amund Høie Sjursen 7,08
19. Kristoffer Blücher 7,41
27. Sondre Rinde 7,56
47. Henrik Almenningen 7,75

80 meter
3. Sondre Rinde 9,86

100 meter
2. Amund Høie Sjursen 10,45

200 meter
15. Amund Høie Sjursen 21,82

300 meter
16. Kristoffer Blücher 37,06

600 meter
8. Anders Bjørndal 1:24,33
9. Kristoffer Blücher 1:24,83
11. Henrik Irgens Gravdal 1:25,21
20. Vegard Albrigtsen 1:27,79
46. Stian Norheim 1:33,58

1500 meter
36. Espen Roll Karlsen 3:58,24

3000 meter
46. Espen Roll Karlsen 8:45,00

5000 meter
36. Espen Roll Karlsen 15:18,36

10000 meter
23. Espen Roll Karlsen 31:51,40

200 meter hekk
6. Sondre Rinde 27,83

400 meter hekk
22. Aleksander Lie 74,34

2000 meter hinder
6. Ole Martin Røssland 6:18,43
8. Stian Norheim 6:22,33

3000 meter hinder
12. Stian Norheim 10:27,79

Høgde
7. Amund Høie Sjursen 2,02
31. Eirik Leikvoll 1,82
46. Magnus Leikvoll 1,75

Stav
28. Eirik Leikvoll 3,60
36. Ole Hartvig Nissen Viken 3,00

Lengde
1. Amund Høie Sjursen 7,60
34. Henrik Almenningen, 6,29
43. Sondre Rinde 6,11

Tresteg
10. Sondre Rinde 13,88
12. Henrik Almenningen 13,60
45. Kristoffer Blücher 11,45
48. Henrik Irgens Gravdal 11,28


søndag 12. oktober 2014

Best i Norge, kvinner - UTE, 2014

Då er me komne fram til senior-gjennomgangen med lokale utøvarar i norgesstatistikken, ute, for 2014. Først til kvinnene:

(topp 50)


60 meter
4. Monika Benserud 7,93
9. Vilde Lund Bjørnsen 8,15
13. Elise Una Mikkelsen 8,32
30. Ingrid Sortland 8,58
40. Malin Marie Rosvoll Olsen 8,70

80 meter
1. Monika Benserud 10,25
7. Ingrid Sortland 10,81
20. Michelle Floor Heggeland 11,44

100 meter
30. Monika Benserud 12,40
37. Vilde Lund Bjørnsen 12,51

200 meter
20. Vilde Lund Bjørnsen 25,14
40. Monika Benserud 25,67

400 meter
10. Martine Eikemo Borge 55,81
13. Vilde Lund Bjørnsen 56,43
31. Renate Lie 58,11
43. Iren Vevatne Isaksen 59,55

600 meter
5. Martine Eikemo Borge 1:31,02
11. Renate Lie 1:38,4
18. Elina Drivenes 1:41,7

800 meter
5. Martine Eikemo Borge 2:05,04
43. Renate Lie 2:17,90
44. Ingvild Myking 2:18,06

1500 meter
25. Anna Serine Røssland 4:40,32
32. Eline Myking 4:42,92
47. Ingvild Myking 4:50,14

2000 meter
1. Ingvild Myking 6:24,49

3000 meter
16. Anna Serine Røssland 10:03,22
21. Ingvild Myking 10:07,77

100 meter hekk
30. Maren Haugen Lillefosse 16,19

2000 meter hinder
3. Eline Myking 7:18,92

3000 meter hinder
4. Anna Serine Røssland 10:42,56

Høgde
27. Nora Øvergaard Aarvik 1,58

Stav
14. Sanne Myrmel 2,86

Lengde
6. Monika Benserud 5,88
17. Maren Haugen Lillefosse 5,56

Tresteg
4. Monika Benserud 12,25

fredag 10. oktober 2014

Prognose, Lagserien

Gneist har hatt for vane å ligga heilt i toppen både for jenter og gutar i Lagserien i Hordaland dei siste åra. Gutane vann suverent i 2013, jentene litt meir knepent.

Trond Leikvoll har statistikk-ansvaret i Gneist og frå han har det tikka inn ein prognose for Gneist-laga for 2014. Prognosen har ikkje finrekna på konkurrentane sin sesong, men den seier likevel ein god del.

For ein gongs skuld tar me gutane først, sidan dei presterte så overbevisande som dei gjorde i fjor. Då var dei over 60.000 poeng i Lagserien for første gong? - eller for første gong i moderne tid - når no den tok til.

Poengsummane sin bakgrunn og slikt får me eventuelt koma tilbake til, her får me berre halda oss til poeng og plasseringar i denne omgangen.

Friidrett er for det aller meste ein individuell idrett. På slutten av sesongen blir så dei individuelle resultata innrapportere i lags form og plassert i tabellar og divisjonar i ein lagserie. Dette er fascinerande og, for ein del, litt merkeleg, men slik er det no.

- Gutane sitt elitelag vann altså heile lagserien i 2013. Prognosen for 2014 seier at rekordpoeng-summen frå i fjor kjem til å bli slegen i 2014 - og at gutane såleis kjem suverent til å gå til topps igjen.

- Gutane sitt 2. lag hamna heilt oppe på 4. plass i Elitedivisjonen i fjor. Prognosen for dette året fortel at laget vil vera i nærleiken av topp 3 også i år. I heldigaste fall kan altså Gneist ha to (!) lag "på pallen" for gutar i 2014.

- Gutane sitt 3. lag er også "elitelag" i 2014 etter opprykket i fjor. I 2014 har altså Gneist heile 3 lag i Elitedivisjonen, noko som er temmeleg sjeldan. Det er såpass sjeldan at det ikkje er underleg at 3. laget ligg an til nedrykk dette året.

- Gutane sitt 4. lag oppnådde også opprykk i fjor, frå 2. divisjon til 1. divisjon, men her er det håp om at dei nyopprykka klarer å halda på plassen i 1. divisjon, slik at Gneist også i 2014 vil ha alle sine 4 lag på dei to øvste trinna (av fire) i gutane sin lagserie.

Så til jentene:

- Jentene sitt 1. lag har hatt tette kampar mot Norna-Salhus og Bergens Turnforening dei siste åra, i fjor enda det heilt i toppen for Gneist-jentene. Her er det truleg veldig tett også i år. 1. laget er omtrent på same poengnivå som i fjor, men her må me leva i spenning til lista er klar i desember. Godt med spenning også, naturlegvis.

- Jentene sitt 2. lag rykka opp til Elitedivisjonen i fjor, slik at det var 2 elitelag på jentesida (i tillegg til dei 3 på gutesida dette året). Også her er det litt spenning, men det er sannsynleg at 2. laget klarer å halda på plassen i Eliten - og dermed vil halvparten av laga til Gneist - gutar og jenter samla - vera på elitenivået i 2015.

- Jentene sitt 3. lag hamna like under midten i 1. divisjon i 2014 og ligg an til å kopiera posisjonen, slik nokolunde, i år.

- Jentene sitt 4. lag var på si side middelhavsfarar i 2. divisjon i fjoråret, og vil - på same viset som 3. laget - vera heilt i nærleiken, kanskje litt over, den posisjonen i år.

** Alt i alt kjem lagserie-resultata, når dei er offisielle i løpet av tidleg desember, til å visa at Gneist framleis er toppklubb for gutar og jenter i Hordaland.

torsdag 9. oktober 2014

Best i mest

Vår eminente hekkeløpar (med meir) i J14, Anna Evensen, skal denne hausten også bli vår eiga tv-stjerne.

Frå førstkomande lørdag, 11. oktober, er ho med i tv-serien Best i mest på NRK Super. Sendetidspunkt er 18.35.

Deretter skal serien gå dei sju påfølgjande lørdagane, fram mot advent, på same tidspunkt.

Har ein ikkje høve til å følgja på gammaldags lineært tv, så vil programma finnast tilgjengeleg på nrk.no - etter at kvart av programma er vist på tv - på denne lenka.

Heia Anna!

Lokale gutar i norgesstatistikken 2014 (15-19 år)

Gneist har vore ein sterk klubb mellom dei yngste i mange år. I Hordaland har gutane dominert lagserien dei siste sesongane - og slege stadig nye poengrekordar (2014 ser ikkje ut til å bli noko unntak). Men dei siste to åra har klubben også vore heilt i toppen i landet, målt etter ulike mål, til dømes medaljefangst under Ungdomsmeisterskapet.

Oversikten nedanfor - over markeringane (topp 20) i norgesstatistikken for 2014 - fortel at her er det ikkje berre eitt og to, men mange korte på handa for framtida:


Gutar 15
** Kristoffer Blücher
- nr. 1 på 60 meter (7,41)
- nr. 1 på 100 meter (11,41)
- nr. 1 på 300 meter (37,06)
- nr. 1 på 400 meter (52,18)
- nr. 1 på 600 meter (1:24,83)
- nr. 1 på 300 meter hekk (39,76)
- nr. 2 på 200 meter (23,21)
- nr. 2 på 800 meter (2:02,45)
- nr. 2 på 100 meter hekk (14,54)
- nr. 5 i tresteg (11,45)

** Jan Jakobsen
- nr. 7 på 3000 meter (11:56,39)

** Jakob Jamt Ånonli
- nr. 8 på 60 meter (7,94)
- nr. 11 i lengde (5,33)
- nr. 19 på 600 meter (1:43,46)

Gutar 16
** Vegard Albrigtsen
- nr. 3 på 600 meter (1:27,79)
- nr. 6 på 800 meter (2:00,12)
- nr. 10 på 400 meter (53,95)

** Henrik Irgens Gravdal
- nr. 1 på 800 meter (1:57,67)
- nr. 1 på 600 meter (1:25,21)
- nr. 5 på 1500 meter (4:15,38)
- nr. 5 i stav (2,20)
- nr. 7 på 400 meter (53,59)
- nr. 11 i tresteg (11,28)
- nr. 11 i slegge (17,59)
- nr. 18 i høgde (1,46)

** Eirik Leikvoll
- nr. 3 i stav (3,60)
- nr. 4 i høgde (1,82)
- nr. 19 på 60 meter (7,98)

** Andreas Berage Olsen
- nr. 19 i diskos (20,27)

** Sondre Rinde
- nr. 1 på 110 meter hekk (91,4) (15,10)
- nr. 2 på 100 meter hekk (14,04)
- nr. 2 på 80 meter (9,86)
- nr. 2 på 200 meter hekk (27,83)
- nr. 2 på 300 meter hekk (40,60)
- nr. 2 i tresteg (13,88)
- nr. 4 på 60 meter (7,56)
- nr. 6 i lengde (6,11)
- nr. 17 på 100 meter (11,92)

Gutar 17
** Henrik Almenningen
- nr. 2 i tresteg (13,60)
- nr. 4 i lengde (6,29)
- nr. 9 i diskos (27,46)
- nr. 8 i spyd (48,02)
- nr. 10 på 60 meter (7,75)

** Emil Engelsen Holm
- nr. 8 på 200 meter (23,22)

** Stian Øvergaard Aarvik
- nr. 2 på 5000 meter (15:54,17)
- nr. 6 på 3000 meter (8:55,16)

** Jens Larsen Åstveit
- nr. 4 på 3000 meter (8:51,09)
- nr. 5 på 5000 meter (16:03,70)

Gutar 18/19
** Anders Bjørndal
- nr. 2 på 600 meter (1:24,33)
- nr. 14 på 800 meter (1:57,22)
- nr. 14 på 1500 meter (4:07,62)

** Andreas Iden
- nr. 12 på 5000 meter (16:00,20)
- nr. 16 på 1500 meter (4:11,05)
- nr. 20 på 3000 meter (9:15,03)

** Magnus Leikvoll
- nr. 13 i høgde (1,75)
- nr. 15 på 60 meter (7,92)

** Aleksander Lie
- nr. 12 på 400 meter hekk (74,34)

** Stian Norheim
- nr. 3 på 3000 meter hinder (10:27,79)
- nr. 4 på 2000 meter hinder (6:22,33)
- nr. 13 på 5000 meter (16.46,51)
- nr. 13 på 600 meter (1:33,58)

** Ole Martin Røssland
- nr. 3 på 2000 meter hinder (6:18,43)
- nr. 17 på 1500 meter (4:11,63)
- nr. 19 på 3000 meter (9:11,21)

** Amund Høie Sjursen
- nr. 1 på 100 meter (10,45)
- nr. 1 på 60 meter (7,08)
- nr. 1 i lengde (7,60)
- nr. 3 i høgde (2,02)
- nr. 6 på 200 meter (21,82)
- nr. 17 i diskos (30,84)

onsdag 8. oktober 2014

Lokale gutar i norgesstatistikken 2014 (11-14 år)

Dagens dose handlar om gutane frå 11 til 14 år sine markeringar - topp 20 - i norgesstatistikken i 2014. Og... det er ganske mange som har markert seg, og som det er all grunn til å gle seg til å følgja med på dei komande åra:

Gutar 11
** Tobias Allers-Hansen
- nr. 7 i slengball (12,92)
- nr. 11 på 40 meter (6,91)
- nr. 14 på 80 meter (12,96)
- nr. 15 i tresteg (7,90)
- nr. 15 i liten ball (40,14)
- nr. 17 i lengde (4,08)
- nr. 19 på 600 meter (1:53,29)

** Jonas Tyssebotn Berg
- nr. 3 i slengball (16,73)
- nr. 14 i liten ball (14,56)
- nr. 20 i spyd (20,98)

** Tobias Sedberg Garden
- nr. 6 i høgde (1,30)
- nr. 9 på 60 meter hekk (11,25)

** Henrik Nesheim
- nr. 6 i slengball (13,11)
- nr. 12 på 60 meter hekk (11,42)
- nr. 19 på 200 meter (32,23)

** Emil A. Valentin
- nr. 5 i slengball (14,74)

Gutar 12
** Mathias Algrøy
- nr. 8 på 80 meter (12,41)

** Erlend Borsholm
- nr. 4 i slengball (8,30)
- nr. 12 på 40 meter (7,17)

** Herman Ellingsen
- nr. 1 på 200 meter (27,1)
- nr. 1 på 600 meter (1:37,22)
- nr. 1 i slengball (23,70)
- nr. 2 på 60 meter hekk (10,14)
- nr. 2 i tresteg (10,39)
- nr. 3 på 60 meter (8,47)
- nr. 3 i høgde (1,40)
- nr. 7 i lengde (4,59)

** Andreas August Kyte
- nr. 6 på 40 meter (6,81)
- nr. 11 på 80 meter (12,51)

Gutar 13
** Andreas Haara Bakketun
- nr. 1 på 100 meter (12,23)
- nr. 2 på 200 meter (25,09
- nr. 4 på 60 meter (7,83)
- nr. 4 i lengde (5,21)

** Hans-Magnus Haukøy
- nr. 4 på 1500 meter (4:36,36)
- nr. 15 på 600 meter (1:40,15)

** Pål Haugen Lillefosse
- nr. 1 på 60 meter hekk (8,92)
- nr. 1 i høgde (1,62)
- nr. 1 i stav (4,06)
- nr. 2 på 200 meter hekk (29,19)
- nr. 2 i lengde (5,49)
- nr. 2 i tresteg (11,05)
- nr. 3 på 100 meter (12,31)
- nr. 3 på 200 meter (25,18)
- nr. 7 på 60 meter (7,93)
- nr. 12 i diskos (27,09)

** Håvard Rinde
- nr. 1 i spyd (47,06)
- nr. 1 i liten ball (60,53)
- nr. 3 i tresteg (10,93)
- nr. 4 på 200 meter hekk (30,49)
- nr. 5 på 60 meter hekk (9,42)
- nr. 6 på 80 meter (11,16)
- nr. 7 i kule (12,22)
- nr. 8 på 600 meter (1:37,60)
- nr. 11 i lengde (5,05)
- nr. 11 i diskos (28,22)
- nr. 19 på 100 meter (13,67)

** André Seliussen
- nr. 1 på 3000 meter (9:48,82)
- nr. 5 på 1500 meter (4:38,96)
- nr. 8 på 800 meter (2:22,87)

Gutar 14
** Thomas Blücher
- nr. 6 på 800 meter (2:11,92)
- nr. 7 på 600 meter (1:33,37)

** Gjert Høie Sjursen
- nr. 1 på 80 meter hekk (11,81)
- nr. 1 i kule (13,27)
- nr. 2 i lengde (5,97)
- nr. 2 i diskos (41,11)
- nr. 3 på 80 meter (10,08)
- nr. 5 i slegge (36,65)
- nr. 6 på 200 meter (25,05)
- nr. 6 i spyd (41,51)
- nr. 7 på 60 meter (7,79)
- nr. 8 på 100 meter (12,31)

tirsdag 7. oktober 2014

Lokale jenter i norgesstatistikken 2014 (15-19 år)

Også mellom dei eldste jentene (15-19 år) er det mange markeringar mellom topp 20 i norgesstatistikken for 2014:

Jenter 15
** Michelle Floor Heggeland
- nr. 16 på 80 meter (11,44)

** Ingvild Myking
- nr. 1 på 2000 meter (6:24,49)
- nr. 1 på 3000 meter (10:07,77)
- nr. 3 på 1500 meter (4:50,14)
- nr. 5 på 800 meter (2:18,06)

** Sanne Myrmel
- nr. 1 i stav (2,86)
- nr. 20 i diskos (18,52)

** Malin Marie Rosvoll Olsen
- nr. 16 på 60 meter (8,70)

** Ingrid Sortland
- nr. 6 på 80 meter (10,81)
- nr. 11 på 60 meter (8,58)
- nr. 15 på 100 meter (13,11)

** Nora Øvergaard Aarvik
- nr. 6 i høgde (1,58)

Jenter 16
** Maria Josefine Berg
- nr. 13 på 600 meter (2:00,4)

** Renate Lie
- nr. 1 på 600 meter (1:38,4)
- nr. 3 på 400 meter (58,11)
- nr. 5 på 800 meter (2:17,90)
- nr. 6 på 200 meter (26,20)
- nr. 11 på 100 meter (12,95)

** Maren Haugen Lillefosse
- nr. 2 i lengde (5,56)
- nr. 4 på 100 meter hekk (14,67)
- nr. 5 på 80 meter hekk (12,19)
- nr. 10 på 100 meter (12,91)
- nr. 20 i diskos (15,97)
- nr. 20 i spyd (22,84)

** Linn Seliussen
- nr. 4 på 3000 meter (11:08,99)
- nr. 9 på 1500 meter (5:16,93)
- nr. 17 på 800 meter (2:32,60)

Jenter 17
** Elina Drivenes
- nr. 5 på 600 meter (1:41,7)
- nr. 14 på 800 meter (2:20,35)

** Thyra Hevrøy
- nr. 3 på 1500 meter hinder (5:19,76)
- nr. 7 på 1500 meter (4:56,23)

** Ingrid Næss Johansen
- nr. 4 på 1500 meter hinder (5:53,35)
- nr. 12 på 3000 meter (11:18,82)
- nr. 13 på 1500 meter (5:45,17)

** Eline Myking
- nr. 2 på 2000 meter hinder (7:18,92)
- nr. 4 på 1500 meter (4:42,92)- nr. 9 på 800 meter (2:19,04)

** Anna Serine Røssland
- nr. 1 på 1500 meter hinder (4:57,97)
- nr. 1 på 3000 meter hinder (10:42,56)
- nr. 2 på 1500 meter (4:40,32)
- nr. 3 på 3000 meter (10:03,22)

Jenter 18/19
** Monika Benserud
- nr. 1 på 60 meter (7,93)
- nr. 1 på 80 meter (10,25)
- nr. 1 i tresteg (12,25)
- nr. 2 i lengde (5,88)
- nr. 5 på 100 meter (12,40)
- nr. 9 på 200 meter (25,67)
- nr. 18 i diskos (18,33)

** Vilde Lund Bjørnsen
- nr. 3 på 400 meter (56,43)
- nr. 4 på 60 meter (8,15)
- nr. 4 på 200 meter (25,14)
- nr. 7 på 100 meter (12,51)

** Elise Una Mikkelsen
- nr. 5 på 60 meter (8,32)

mandag 6. oktober 2014

Lokale jenter i norgesstatistikken 2014 (11-14 år)

Tidlegare har eg fokusert på 13 år og eldre når eg har kikka på lokale heltars plasseringar i norgesstatistikken. Då var det frå 13 år og oppover den offisielle statistikken galdt. Rettnok blei det ført ein ikkje-offentleggjort statistikk også for 10-12 år.

Etter at statistikkføringa blei lagt om til å vera elektronisk, så er det frå 11 år det gjeld - og dermed kan me inkludera 11- og 12- åringane også i denne typen oversikt.

Nedanfor er oversikten (med atterhald om eit par-tre stemne som enno ikkje er inkludert) for lokale jenter, 11-14 år, sine plasseringar - topp 20 - i norgesstatistikken for utesesongen 2014.

Legg spesielt merke til den omfattande innsatsen for 11-åringane:

Jenter 11
** Anne Marie Bruun
- nr. 1 i slengball (14,25)

** Stine Eriksen
- nr. 6 i slengball (11,33)

** Yvonne Eriksen
- nr. 7 i slengball (10,68)

** Una Haukanes
- nr. 10 i lengde (4,15)
- nr. 13 på 60 meter hekk (11,60)

** Line Ludvgisen
- nr. 5 i spyd (21,66)
- nr. 7 i liten ball (38,29)
- nr. 14 på 80 meter (12,83)

** Lea Låstad
- nr. 14 i liten ball (32,06)

** Pernille Michelsen
- nr. 4 på 60 meter hekk (10,87)
- nr. 8 i slengball (10,18)
- nr. 11 på 80 meter (12,64)
- nr. 14 på 200 meter (31,19)
- nr. 18 på 60 meter (9,12)

** Hedda Lovise Riisnes Riise
- nr. 2 på 80 meter (12,11)
- nr. 4 på 60 meter (8,82)
- nr. 4 på 200 meter (30,20)
- nr. 9 på 60 meter hekk (11,42)

** Marie Seliussen
- nr. 5 på 600 meter (1:52,87)

** Emma Dahl Sørbø
- nr. 4 på 40 meter (6,68)
- nr. 5 i slengball (12,40)

** Emma A. Voldsund
- nr. 1 i spyd (27,51)
- nr. 1 i liten ball (50,05)
- nr. 2 på 60 meter hekk (10,66)
- nr. 2 i diskos (20,48)
- nr. 3 på 80 meter (12,30)
- nr. 6 i lengde (4,25)
- nr. 7 på 200 meter (30,48)
- nr. 9 på 60 meter (8,92)

Jenter 12
** Nora Helene Kjerland Kristiansen
- nr. 9 på 40 meter (6,75)

** Amalie Ellingsen Nyheim
- nr. 14 på 80 meter (12,95)

Jenter 13
** Maren Kathinka Myrmel
- nr. 16 i diskos (21,85)

Jenter 14
** Anna Evensen
- nr. 1 på 60 meter hekk (9,41)
- nr. 3 på 200 meter hekk (31,17)
- nr. 4 i lengde (5,06)
- nr. 4 i tresteg (10,23)
- nr. 12 på 60 meter (8,68)
- nr. 13 på 200 meter (27,85)
- nr. 19 på 100 meter (13,59)

** Charlotte Harris
- nr. 16 på 80 meter (12,17)

torsdag 2. oktober 2014

Fin ekstra avslutning

Ei veke etter sjølvaste "Avslutningsstemnet" var det avslutningsstemne på Fana Stadion - i regi av Norna-Salhus. Dette var siste Norna-karusell for 2014.

Den føregjekk i eit kraftig regnver, men i brukande vindforhold. Det sist gav seg utslag i ein del gode tider, spesielt på pittelitt lengre løp enn dei heilt korte. Det første innebar avlyst stav-konkurranse.

Espen Roll Karlsen har hatt ein flott sesong, krona med kvalifiseringskrav til og deltaking i hovud-NM. Onsdag blei det ny milepæl, då Espen for første gongen kom seg under 2 blank på 800 meter. Tida blei 1:59,53. Gamlepersen hans var på 2:00,75, frå august i fjor.

Vegard Albrigtsen er ein annan som har hatt ein strålande 2014-sesong. Onsdagskvelden var det blitt lettare i veret då han knuste persen sin på 1500 meter og sprang i mål på 4:25,85. Han hadde 4:34 inne og 4:35 ute frå tidlegare.

Malin Marie Rosvoll Olsen persa på 200 meter, til 28,21. Ho hadde 28,48 i godkjent vind frå Framolekene i år, medan ho var godt nede på 27-talet under Bergenslekene - i forrykande vind på Leikvang - nyleg.