Adelskalender, BFG - 100 meter

Sjå der, der var me framme med den gjæve distansen - 100 meter. Og her er det mange på listene mine - først og fremst for kvinner, der det også er ein god del av dagens utøvarar høgt oppe. Fleire av dei er på veg oppover lista, mellom dei Monika Benserud, yngstedottera til dagens 60års-jubilant, Jan Fjærestad.

Klubbrekord-haldaren på 100 meter for kvinner er - med god margin - framleis Mona Karin Riisnes:

1. Mona Karin Riisnes 11,74
2. Camilla Dahle 12,01
3. Kjersti Ristesund 12,03
4. Iren Vevatne Isaksen 12,09
5. Anne Skudal Dolvik 12,18
6. Christine Bjelland Jensen 12,37
7. Monika Benserud 12,42
8. Vilde Lund Bjørnsen 12,45
9. Kathrin Sandvik 12,51
10. Elise Una Mikkelsen 12,52
11. Sara Berrefjord 12,55
12. Benedikte Liland 12,59
13. Anne Bjelland Jensen 12,62
14. Ingvild Mundal Andersen 12,70
15. Maren Hjelle 12,71
16. Gerd Lise Nybråt 12,80
17. Amalie Tefre Skage 12,81
18. Maren Haugen Lillefosse 12,84
18. Renate Lie 12,84
20. Karina Bjørnarøy 12,94

For menn fauk Amund Høie Sjursen oppover listene (mellom anna forbi pappa Geir) gjennom fjorårssesongen og hamna heilt oppe på 3. plass på adelskalenderen før sesongen var over. No er det berre fem hundredelar opp til Johan Sørstrønen på 2. plass, medan Thomas Green er eit lite hakk framom der igjen:

1. Thomas Green 10,69
2. Johan Sørstrønen 10,84
3. Amund Høie Sjursen 10,89
4. Marius Heggholmen 11,04
5. Geir Sjursen 11,06
6. Jonathan Haugland 11,15
7. Bjørn Soltvedt 11,22
8. Eivind Skare 11,39
9. Geir Svendsen 11,40
10. Kjetil Bakketun 11,43

Adelskalender, BFG - 400 meter hekk

Av ein eller annan grunn hamna eg på 400 meter hekk når Adelskalenderen, BFG, no skulle rulla vidare.

Eit sentralt namn i BFG si etter måten korte historie (27 år) er Thor Gjesdal. Thor Gjesdal er i dag knytt til Oslo-klubben Koll (og Tjalve, som er for Koll slik BFG er for Gneist). Thor er framleis støttemedlem i BFG og følgjer godt med på kva som rører seg på heimlege trakter. Han er også ein viktig bidragsytar for underteikna når adelskalenderen skal gjerast så korrekt som muleg.

Og på 400 meter hekk er Thor klubbrekordhaldar, med solid margin ned til nr. 2 på mi liste. Klubbrekorden blei sett tilbake i klubbens stiftingsår - 1987. Dette er ikkje ei øving som er særleg påakta i desse dagar, men det er ikkje mange år sidan eit par av brørne Benserud var sentrale utøvarar på 400 meter hekk:

1. Thor Gjesdal 51,86
2. Marius Benserud 55,23
3. Henning Hamre 55,41
4. Morten Benserud 55,65
5. Frode Gjesdal 56,47
6. Nils Møllerup 56,84
7. Rune Haugsvær 57,80
8. Bjørn Soltvedt 58,36

Heller ikkje for kvinner finst det utøvarar som er ivrige på den lengste hekkeøvinga nett no (Martine si tid på distansen er frå 2006) - og klubbrekorden er også her gammal, tilbake frå 1990:

1. Toril Untiedt Bjørgan 62,50
2. Martine Eikemo Borge 65,11
3. Veslemøy Hausken 67,94
4. Anne Bjelland Jensen 68,09
5. Lise Hovlandsdal 68,72

Adelskalender, BFG - 5000 meter

Det er eit idrettsarrangement borte i Russland om dagane. Det er mange "tragediar", "katastrofar" og "skandalar" der - har eg registrert. Sportsjournalistikken brukar store og dramatiske ord, temmeleg ofte. Men den største skandalen - sett med norske auge - står på programmet (det er altså ein førehandsannonsert skandale) når det skal vera 10.000 meter på skøyter for menn heilt utan norsk deltaking. Frå Ivar Ballangrud til Johann Olav Koss har Norge markert seg og dominert 10.000-meteren, ja så seint som med Lasse Sætre var det no norsk medalje å henta i øvinga. Og me har naturlegvis ikkje gløymt vene Sunnhordland sin største vinter-OL- son, Kjell Storelid, sine bravadar frå Vikingskipet i 1994.

Når Sven Kramer vinn suverent gull tirsdag, så er det ein gigantskandale at Norge ikkje stiller. Så er det sagt. Smørebommane kan ikkje måla seg.

Her skulle me gjerne ha kompensert med BFG-adelskalender for 10.000 meter, men det har me hatt før, så då blir det 5000 meter i staden. (To av skøyte-Norge sine 10.000-gigantar, Sten Stensen og Geir Karlstad, vann aldri OL-gull på mila, men gjorde det i staden på den halve distansen.)


For kvinner er det Stine Larsen som - klubbrekord-haldar som ho er - finst i toppen av lista:

1. Stine Larsen 15:46,02
2. Veslemøy Hausken 15:56,29
3. Lene Hove 15:56,44
4. Kirsten Melkevik Otterbu 16:00,51
5. Pernille Thomassen 17:28,87
6. Ragnhild Nymoen 17:32,96
7. Liv Astrid Losnegaard 17:51,20
8. Kjersti Sognnes 18:15,0

For menn er det også på denne distansen ganske mange prestasjonar frå BFG si tidlegaste historie i toppen. Aller øvst tronar Truls Nygaard:

1. Truls Nygaard 13:45,29
2. Øyvind Fretheim 13:54,08
3. Pål Corneliussen 13:55,93
4. Jan Erik Christiansen 14:19,82
5. Jon Tvedt 14:22,50
6. Kjetil Bjørlo 14:28,16
7. Kjell Erik Sælen 14:42,92
8. Anders Røssevold 14:49,20
9. Espen Kristiansen 14:57,75
10. Sigve Stenersen 15:05,80

Kjært barn

Utøvarane våre med funksjonsnedsettingar ("FU") har lagt bak seg eit nytt vellykka stemne. Ja, nei, no kan me ikkje halda fram med å kalla oss for "Utøvarane våre med funksjonsnedsettingar", men me får koma tilbake til eit omdøypt namn etter kvart.

Inntil vidare er me under paraplyen til (fri-)idretten kalla "FU". Det er ikkje enkelt for oss - men det er neimenn ikkje enkelt for idretten heller. Her er frå "informasjonen" som finst hos Norges Idrettsforbund:

Utøvere som ønsker å delta i konkurranser sanksjonert av INAS-FID4
 og IPC5 , må være klassifisert. Utøveren må tilfredsstille krav til minste funksjonshemning, og dokumentere effekt av utviklingshemning i forhold til aktuell idrett. Samme type klassifisering kreves ikke for deltakelse i konkurranser i regi av Special Olympics. 

Når det gjelder konkurranseidrett for utviklingshemmede i Norge, er det ulikt fra idrett til idrett om det kreves klassifisering. Ta kontakt med aktuelt særforbund for å høre hva som gjelder. 

Eg har prøvd å omsetja til nynorsk - men (tru det eller ei) det blei ikkje betre av det heller.

Jaja, me får ha ein intern namnekonkurranse etter kvart.

Men - til idretten!:

Då Pingvinlekene starta i 2012, var også "Gjengen" med frå første stund. Dei deltok på 60 meter og i lengde. Det var 6 utøvarar som stilte, eit par av dei sleit med å koma seg i mål (og i rett bane) på 60 meter - og berre to hoppa alle tre hoppa i lengde.

To år seinare - i 2014 - var dei 6 blitt til 18 utøvarar (ein auke på 300 %, som dei seier det i statistikken). Alle 18 var med på alt! Alle utøvarane fullførte 60 meter i rett bane.

Det blei sett 13 personlege rekordar på 60 meter.

Det blei sett 12 personlege rekordar i kule (som kom på pingvin-programmet i 2013).

Og det blei sett 12 personlege rekordar også i lengde.

60 meter-rekorden internt i gruppa er framleis på 8,58 (frå mai 2013), men i kule er den no på 10,71 (mjuk kule) og 11,51 (2kg) - og i lengde på 4,64.

Størst forbetringspotensial finst utvilsamt i lengde.

Men det er jammen bra å ha noko å arbeida vidare med :)

Amund og pingvinane mot nye høgder

Pingvinlekene får stadig fleire deltakarar og startar. The sky is the limit, heiter det på det finare språket, men det spørs om ikkje Leikvanghallen er the limit - det tar til å bli trongt til tider, sjølv om det naturlegvis er triveleg med friidrettsglade både unge og ikkje fullt så unge. Men hallen er bygt (alt) for liten - ingen vidare diskusjon om det.

Det var mange høgdepunkt under Pingvinlekene. Amund Høie Sjursen stod for fleire av dei - og søndag var det han som stod for klubbrekord-bidraget: Med heile 1,96 i høgde sletta han Eirik S. Karstensen sin 13 år gamle U20-rekord i BFG med 6 centimeter. Amund sin gamle pers var frå ute-UM på Lillehammer i september (1,93), medan han inne var over 1,85 under Nornalekene nyleg. (1,96 gir også Amund endå ei øving over/under hovud-NM- kravet.)

Og elles:

60 meter
* Magnus Leikvoll tangerte tida si på 7,84 - frå Romjulsstemnet.

600 meter
* Vegard Albrigtsen debuterte strålande inne på distansen med 1:30,39.

* Stian Øvergaard Aarvik knuste 600-persen sin, då han sprang på 1:30,59. Tidlegare har han 1:33,89 (ute - frå tidleg i 2012).

* Steffen Algrøy Boga har ikkje hatt for vane å springa denne distansen, og eg reigistrerer 1:31,52, som ein flott begynnelse.

* Stian Norheim påstår eg at innedebuterte på distansen med 1:31,99 - vel halvsekundet bak utepersen, sett under Gneistspelen sist august.

* Ein strålande pers blei det på Ingrid Næss Johansen, som sprang heilt ned på 1:43,70. Ho hadde 1:45,01 frå Bamselekene i mars i fjor frå før.

* Ingvild Myking er også mellom dei eg trur innedebuterte søndag på 600 meter. Det gjorde ho i så fall på tida 1:44,08. Utepersen til Ingvild er på 1:40,45 - frå juni i fjor.

* Michelle Floor Heggeland sprang distansen på 1:55,42 - også det skal vera første gongen innandørs (? - ute har ho tida 1:50,21 frå Framolekene i 2012).

Lengde
* Henrik Irgens Gravdal persa vidare - frå 5,20 på Leirvik sist helg (rettnok i låg grop då) - til 5,33 denne gongen.

Strålande første pingvin-dag

Det starta med ein heil bråte av dei yngste og mest håpefulle, heldt fram med ein ny fantastisk konkurranse av stavtalentet Pål Haugen Lillefosse - som nesten passerte 4-meteren! - og kom i mål med ei røys med personlege og andre rekordar.

Her er ei bfgsk oppsummering av første dag av Pingvinlekene:

Først klubbrekordane:

Amund Høie Sjursen presterte ein av dei beste prestasjonane i BFG på lang tid, uansett øving - og i alle fall innomhus - då han hoppa heile 7,36 i lengde. Det er over 60 centimeter lengre enn den gamle klubbrekorden i BFG (sett i 1987 (!) av Roar Haugland, på 6,72). Amund hadde sjølv U23-rekorden frå tidlegare, med 6,54. Utepersen til Amund er på 7,06 frå i haust. Og no har Amund endå ei øving der det tar til å smaka av junior-VM- krav.

Eline Myking spurtslo namnesøster Ingvild Myking på 1500 meter, og dermed er det Eline som er ny innehavar av klubbrekorden innomhus i BFG på distansen. Tida blei innesterke 4:51,44. Den gamle rekorden var det Silje Oksholm Arnøy som sette under UM i Drammen i iskalde februar i 2010 (4:56,27). Dette var samtidig pers for Eline (utepersen er på 4:53,44 frå Veidekkelekene i fjor, medan innepersen blei sett då Eline blei ungdomsmeister på distansen i Steinkjer i mars i fjor).

Og så er Stian Øvergaard Aarvik i gang igjen, etter litt sjukdom. Denne gongen blei det 4:10,34 på 1500 meter, og dermed betra han eigen innerekord i U20 i BFG med halvtanna sekund frå Pingvinlekene i 2013.

Og elles - øving for øving:

60 meter
* Sondre Rinde sprang heilt ned på 7,56 - åtte hundredelar betre enn under Pingvinlekene i 2013.

* Henrik Irgens Gravdal persa med fem hundredelar frå løpet på Leirvik for ei veke sidan, til 7,93.

* Michelle Florr Heggeland innepersa på 8,65 - som er tre hundredelar raskare enn under Nornalekene.

* Malin Marie Rosvoll Olsen debuterte med 8,75.

200 meter
* Sondre Rinde flytta innepersen med nye 7 hundredelar frå Nornalekene - no til 24,35 (ute har Sondre 24,59)

* Henrik Almenningen sprang ein ny solid 200 meter. Tida blei 24,82 - 44/100 betre enn under Romjulsstemnet.

* Henrik Irgens Gravdal bryt stadig nye sprint-barrierar denne innesesongen. Lørdag blei det 24,99 (mot 25,16 under Nornalekene).

1500 meter
* Jens Larsen Åstveit knuste persen på distansen, då han sprang på 4:14,62. Han har 4:22,58 ute og hadde 4:23,12 inne, frå Romjulsstemnet no sist. Med dette har Jens også for første gong klart junior-NM- kravet.

* Pers blei det også på Stian Norheim, som med 4:22,86 sprang sekundet fortare enn utepersen frå Gneistspelen sist haust. Tida er heile sju sekund betre enn innepersen frå fjorårets pingvinleikar.

* Steffen Algrøy Boga sprang, så vidt eg har klart å registrera, sin første inne-1500 meter, då han kom i mål på 4:29,77. Det er like bak (16/100) persen frå ein Norna-karusell sommaren 2012.

* Vegard Albrigtsen innedebuterte på distansen på 4:34,47 (utepersen er på 4:38,96)

* Nemnde Ingvild Myking innepersa med 6 sekund frå Nornalekene for eitt år sidan, då ho lørdag ettermiddag altså måtte sjå seg spurtslegen av Eline. 4:51,68 blei Ingvild si tid (som har 4:45,87 frå Stockholm i august, ute).

* Nesten 17års-jubilant Anna Serine Røssland sprang inn på 5:08,00, som er innepers med godt og vel 6 sekund, frå løpet på 16-årsdagen under Pingvinlekene i fjor.

Stav
* Eirik Leikvoll svinga seg over 3,60, 10 centimeter høgare enn under UM i Steinkjer i fjor.

BFG i Norge (inne) - menn, pr. 7. februar 2014

No er det like før det brakar laus - med opningsseremoni og greier. 

Ja, det er faktisk få sportsarrangement der det er stiligare opningsseremoni enn dette.

Eg snakkar naturlegvis om Pingvinlekene i Leikvang Friidrettshall lørdag og søndag!

Før den tid ser me på menn frå BFG Bergen som markerer seg i seniorstatistikken innomhus så langt denne vinteren:

(Topp 50)

60 meter

11. Amund Høie Sjursen 6,99

150 meter

2. Magnus Leikvoll 18,80

800 meter

21. Espen Roll Karlsen 2:01,90

22. Jørgen Møklebust Austvik 2:02,10

29. Stian Øvergaard Aarvik 2:03,72

32. Erlend Gjerdevik Sørtveit 2:05,24

35. Jens Larsen Åstveit 2:06,31

42. Stian Norheim 2:07,74

49. Steffen Algrøy Boga 2:10,32

1500 meter

18. Espen Roll Karlsen 4:11,30

20. Stian Øvergaard Aarvik 4:12,91

20. Jørgen Møklebust Austvik 4:12,91

24. Erlend Gjerdevik Sørtveit 4:16,20

29. Jens Larsen Åstveit 4:23,12

36. Bjarte Eikanger 4:27,77

43. Stian Norheim 4:36,46

47. Andreas Jensen 4:49,99

50. Egil Johan Hessen 5:52,03

3000 meter

9. Stian Øvergaard Aarvik 8:42,08

40. Jens Larsen Åstveit 9:19,21

49. Stian Norheim 9:39,44

Høgde

13. Amund Høie Sjursen 1,85

17. Eirik Leikvoll 1,80

17. Magnus Leikvoll 1,80

Høgde utan tilløp

29. Eirik Leikvoll 1,38

Stav

20. Eirik Leikvoll 3,45

22. Magnus Leikvoll 3,13

24. Ole Hartvig Nissen Viken 2,94

Lengde

13. Sondre Rinde 6,07

17. Henrik Almenningen 5,96

Lengde utan tilløp

44. Mats Benserud 2,82

Tresteg

4. Sondre Rinde 13,36

6. Henrik Almenningen 12,35

Tresteg utan tilløp

16. Magnus Leikvoll 7,65

19. Eirik Leikvoll 7,38

BFG i Norge (inne) - kvinner, pr. 6. februar 2014

Frå og med innesesongen 2013/2014 er statistikken på landsplan blitt elektronisk av seg - også offisielt. Så langt er dette, sett frå ståstaden til ein manuell statistikkførar gjennom dei siste seks åra, ein suksess.

Me testar i denne omgang med eit besøk i elektronikken - først for kvinner - for å sjå korleis BFG Bergen sine utøvarar ligg på listene sånn om lag midtvegs i innesesongen. Den enkle konklusjonen er at her er det mykje godt i emning og Monika Benserud markerer seg heilt i toppen alt no:

(Topp 50)

60 meter
11. Monika Benserud 7,79
31. Sara Berrefjord 8,09
35. Elise Una Mikkelsen 8,11

150 meter
1. Monika Benserud 18,61

200 meter
20. Renate Lie 26,40

400 meter
9. Renate Lie 59,69
30. Michelle Floor Heggeland 69,16

800 meter
19. Eline Myking 2:23,91
29. Anna Serine Røssland 2:26,18
48. Ingrid Næss Johansen 2:34,66

3000 meter
14. Ingvild Myking 10:17,94
22. Ingrid Næss Johansen 11:04,88

Høgde
26. Nora Øvergaard Aarvik 1,50
45. Sanne Myrmel 1,38

Høgde utan tilløp
2. Marianne Benserud 1,35

Stav
14. Sanne Myrmel 2,66

Lengde
12. Monika Benserud 5,21
47. Nora Øvergaard Aarvik 4,51

Lengde utan tilløp
2. Vilde Lund Bjørnsen 2,65

Tresteg
1. Monika Benserud 12,78

Tresteg utan tilløp
1. Monika Benserud 7,49
4. Marianne Benserud 6,96
6. Sanne Myrmel 6,59

Kva er det du driv med om dagane du då, Henrik?

Sommarhalvåret har me kontroll med det meste og dei fleste - då møtest me jamleg på Fana Stadion og omland eller på tradisjonstunge stemne rundt om i Norge og gjerne i nabolandet.

Men no på vinteren er det verre. Då møtest nokon her og nokon der. Ein del undrar kva andre driv med, sånn eigentleg, sidan dei ikkje er her, men i staden der. Men så lenge dei no driv med eit kvart, så får ein no ikkje vera så uroa.

Henrik Irgens Gravdal har me no leita litt etter innimellom no i vinter. Me har høyrt rykte om at han ikkje har vore heilt i orden. Me får håpa rykta er litt overdrivne og at Henrik har ein slags kontroll med tinga!

I alle fall var Henrik ein tur på Leirvikjo helga som var. Då slengde han seg - saman med kompis Lars - med på øvingar han normalt ikkje prøver seg på for ofte. Mellom desse var kule (5kg), som ikkje skal nemna noko meir.

På 60 meter braut Henrik like så godt 8 blank-barriera. Han sprang på 7,98, som er 16 hundredelar raskare enn under Nornalekene i januar.

Så blei det småfine 5,20 i lengde, medan innepersen i høgde blei flytta opp ein heil centimeter frå Romjulsstemnet på Leirvik i 2012 - frå 1,44 til 1,45.

Så no veit me i alle fall litt om kva Henrik driv med om dagane.

Adelskalender, BFG - høgde

Dette er eit slags svar etter jakta på apropos etter Marianne Benseruds fjerde strake junior-NM gull i høgde utan tilløp i helga. Utan fart-øvingane er presentert tidlegare i "adelskalender"-serien her på bloggen. Difor tyr me til det nærmaste, nemleg klassisk høgde.

Her er det i alle fall eit par ting å seia om oversikten for kvinner: Det er søster Mette Benserud som representerer den slekta på lista, og dessutan ser me med ein gong at ein av dei ferske BFG-arane av året, Nora Øvergaard Aarvik, høyrer heime mot toppen av denne lista, etter kvart som ho kjem i gang med (ute-)sesongen. Klubbrekord-haldar her er Hilde Hovlandsdal:

1. Hilde Hovlandsdal 1,73
2. Hilde Ingebrigtsen 1,60
2. Sandra Tennøy 1,60
2. Amalie Tefre Skage 1,60
5. Mette Benserud 1,59
6. Vibecke F. Havre 1,55

For menn er det litt "BFG Fana" heilt på toppen av lista. Øvst finst den nest siste idrettsansvarlige i klubben, klubbrekord-haldar Endre Raa, medan ein nær slektning til den före detta daglege leiaren er andremann på lista. Og så spratt Amund Høie Sjursen heilt opp på tredje, med si UM-høgde frå Lillehammer i fjor:

1. Endre Raa 2,14
2. Eirik Karstensen 2,00
3. Amund Høie Sjursen 1,93
4. Harald Hægland 1,90

Nytt Marianne-gull - inne-NM dag 2

Siste års junior Marianne Benserud forsvarte NM-gullet i høgde utan fart i juniorklassen i Stangehallen søndag. Ho hoppa 1,35, som er fem centimeter høgare enn under NM i Haugesund i fjor, men samtidig fire centimeter bak persen til Marianne. Den blei sett i hallen på Ranheim for 3 år sidan.

Konkurransen var monaleg sterkare for Marianne dette året enn fjoråret i Haugesund, så dette var eit fortent gull.

Gullet til Marianne blei dagens store BFG-beholdning, men søster Monika Benserud fekk med seg ein fin 8. plass i lengde for kvinner, senior. 5,21 blei det i årsdebuten for Monika. Her var det etter måten tett oppover listene.

Ingrid Næss Johansen sprang 3000 meter på 11:12,31, noko bak sesongbeste frå Nornalekene, medan det gjekk tyngre for Erlend Gjerdevik Sørtveit i dag, då han sprang på 2:09,73 på 800 meter.

Stang(e) ut - inne-NM dag 1

Eg har kikka litt på inne-NM frå kontorstolen - på web-tv. Det ser no ut som om dei har det gildt i gamle Stangehallen også, sjølv om web-sendinga blir avbroten av annonsar titt og ofte og sjølv om speaker-tenesta var mirakuløst dårleg.

Ablegøyer frå ein som i gamle dagar song om kor gildt det ville vera å bruka eigeprodusert surfebrett på Einangfjorden forhindra speaker-nestor Jo Nesse i å formidla noko særleg i det heile frå 1500 meter-heata. Selsomt heiter det visst på finare norsk. Og nei, dette var ikkje ein idé til å gjera friidretten meir sexy - der Tor Endresen intervjuar startfeltet i NM i terrengløp på Stend til hausten like før start. Slett ikkje.

Til idretten:

Monika Benserud hoppa 12,22 i tresteg, noko som gav ein 4. plass, to fattige centimeter frå bronsen. Monika sitt hopp under Nornalekene hadde halde til gull med grei margin. Også på 60 meter blei det løp eit tidel og vel så det bak persen frå tidlegare i vinter. Monika kvalifiserte seg til semifinale, men så stoppa det der (7,88 i forsøket og 7,91 i semifinalen).

På 1500 meter for menn innedebuterte Espen Roll Karlsen. Det gjorde han på tida 4:11,30 - beste 1500 meter-tida i BFG så langt i vinter - og ein 14. plass. På plassen bak kom Erlend Gjerdevik Sørtveit med 4:16,20. Det er 5,5 sekund betre enn under Romjulsstemnet for Erlend. Så då håpar me helsa er på rett veg.